ليتك تعرف ..!

على مد الشعور الهادي ..
وإحساسي المترامي على أوراقي
الرسايل ، والأماكن ، والأغاني ،
والحنين اللي ملا سكاتي ..
ليتك تعرف ..!
كيف العيون تشوفك ..
يا سيد الروح .. واحساسي المترف ..
يا ارتوائي لا عطش قلبي ولقيتك
نبعي العذب السلسبيل البارد على اطرافي ..
يا حلمي الغافي على وسادتي كل ليله ..
يا فرحي و حزني و ضحكتي
و بكاي ، وغيمه وله تبلل أهدابي ..
يا جنوني فيك رغم الهدوء الساكن
ورغم انكساراتي وخيباتي ..
و كل اللي مضى .. والآتي
أنا أحب ..!

♥~♥~♥

ليتك تعرف ..
اني مثل عشق السحاب ..
اللي عشق لون السما ..
واللي بقى دايم وفي ..
وإني مثل حزن المواني فانتظار
موعد لقى مركب أماني تأخرت
وأدري بتجي ..!
وإنك مثل شمس الصباح
مثل الضيا ..
دايم أشوفك في تفاصيلي حضن
يا سيدي كلي أنا وكل الشعور ..
في لطفك الباهي عجزت أتجاوزك
لأني أحب ..!

♥~♥~♥

ليتك تعرف إني مثل حلم الطريق
يتمني إنه يوصلك ..
وإني المسافه والخُطى وأنا الرفيق ..
خطوه بخطوه أتبعك ..
دايم معك ..
مثل النسيم اللي اذا مر يأسرك
وإذا سهيت بخطوتك ..
بآخذ من النسمه عطر
واداعبك ..!
يا لهفتي ..
يا صمتي الميت حكي ..!
( عطني من أيامك نهار وباقي العمر للي تبي )



النجلا