الطيب ماكل الرجاجيل تقواه

الطــــيب ماكــــــل الرجاجيل تقواه
00000 طبع الكـــريم وفي حياته مراده



من قدم الطـــيب من الــــفعل يلقاه
00000 دين(ن) على كل النشاما سداده



الطيب فعل(ن) وسط الاجواد مرباه
00000 يسقيه قرم(ن) ماتــحرى جداده



سو الجـــميل وخــالق الناس يجزاه
00000 رب(ن) كريم وفي عطاه الزياده



كم واحد(ن) لو كان ضيفه من عداه
00000 حلو القــبال وعنده الجود عاده



كم واحد(ن) تاقف عن الطيـب يمناه
00000 فعـــــله غريب وكل دربه قراده



محد(ن) على درب المواجيب ينصاه
00000 همه يجـــمع من فلـــوسه زياده



همــــه يجــــــمع زايد المال والـجاه
00000 وقرشه عــــزيز ولاينقص عداده



رب الولد في درب الاجــواد ممشاه
00000 ينفــــعك لابين نهـــــارك سواده



مثل الذي طيره على الصــيد ينخاه
00000 زانت على شوف الحـباري هداده



كل(ن) يحصل مازرع وسط دنـياه
00000 والخــــير يبـــقى للنشاما سعاده




الشاعر/ سلمان الخمعلي

الشاعر/سليمان الخمعلي


صح لسانك

قصيدة جميله


وفيها من الحكم والجزاله الكثير

رائع لاعدمتك


تحياتي لك

كل(ن) يحصل مازرع وسط دنـياه
00000 والخــــير يبـــقى للنشاما سعاده



من يزرع الخير لابد أن يحصد الخير
حكمه رائعه ..أخي الشاعر الأروع سلمان الخمعلي
صح لسانك ...
قصيده وكلمات تقطر جمالا
دمت بخير.....تقديري

سلمان

بيض الله وجهك وجمل الله حالك لاهنت على المشاركه الطيبه

قصيده من روائع القصيد

صح السانك مدد

هلا ومرحبا ياسلمان

لا جديد سوى الابداع والتالق والابداع

وصدقت الطيب ما كل الرجاجيل تقواه

دمت بخيير وعافيه

وصح اللسان وسلم البنان

صح السانك يا سلمان


تقبل مروري

صح لسانك ياسلمان


قصيده رائعه الله يعافيك على هذا الابداع

تقبل مروري

صح لساانكـ...دمت مبدع

رابح الغضيان

صح بدنك ولاهنت

اسعدني هذا الحضور الراقي

لك الود والتقدير

صح لسانك وعلا شانك

قصيدة رائعه لشاعر اروع

تتحدث عن الطيب والمرجلة

الله يعطيك الف عافيه