ديوان سليمان المانع((ابو روز))

أبك أنت تحلم ، فيه احد يحلـم اليـوم= قلت : إيه انا ، واحيا واموت بهالاحلام
مايكفي الواقع وبـه عشـت محـروم= شَجْره وتحت غصونها ريـح الايـام
والله ان صار الحلم جلسه ؟ فلا اقـوم= واذا سهـر ؟ والله فـلا عينـي تنـام
الياس عار(ن) عَنْه هالراس محشـوم=واطلق رجل ، رجل عقب طيحته قـام
الحلم فندق .. خدمته خمسـة نجـوم= قـام شـي ان الغـرف مالهـا ارقـام
هو بحر للشاعر .. إذا خانـه العـوم= هو بيت للشاعر .. إذا خانـت اقـلام
الحلـم لمحاكيـك لا تسـأل علـوم؟!=مثل جبل قاسيون لا قسـت للشـام !!

وعينك ياعينـي ماتحـس بمباتـي=رمح السهر في منبع الدمع مركوز
ياللي لك اكبر حصةٍ فـي حياتـي= لا كلهـا ياكلهـا ماعـدا ( روز )
الا الغـدر ماكـان يـوم بصفاتـي= انا عنزي والغدر مايقـرب عنـوز
والله فلا خنتـك ولا خنـت ذاتـي=اللي بي اكبر من بلا الناس والعوز
من هو معي من راح من راح ياتي= مدري وانا امشي كني انسان مدزوز
مذهول عاجز لا اتجـاوز سكاتـي= وصلت الأول بس ماكان لي فوز ؟
قطفت جوز وجوز مـن ذكرياتي= وعجزت ثنايا الحلم لا تكسر الجوز

يا

تاج راسي .. ياعمري .. يالسعوديـه= ياجنة الشوق .. جنني هوى رياضك ..!
ياجنة الشوق .. جنني هوى رياضك ..!= واحيان احسك غزال .. وتذبح الحاظـك
عوجا واهلها .. بسيوف العز محميـه= يخسر عدوك ولا لـه حلـم بحياضـك
دام ابـو متعـب ..!! ميلهـا شماليـه= والعدل حكمه تشـوف دول مركاضـك
يـادار مكـه .. وطيبـه ياصحابـيـه= صحراا نبيه وصحبـة ربنـا عاضـك
روح العروبه ونبض عروقهـا الحيـه= تاريخها صار وتربـى علـى فياضـك
ياتاج راسي ..! ياراسي ..! يالسعوديه=سماك فنان .. ويجنن هوى رياضك ..!!

. وشــي مــا هــوب مكـشـوف= كـم هاجـس يولـد تـرده اشفـاتـي
ويموت ما هو لأقرب النـاس معـروف= لكـن معـك فجـرت خافـي سكـاتـي
ملهوف أسولف... وأنت للسمع ملهـوف= يـا غالـي جمـل وجـودك حيـاتـي
وبالحب صرت لدمعتي صـدر وكفـوف= خذ دفتـري خـذ بـوح ذاتـي لذاتـي
وابصر... بدمع... بدم... تاريخ وحروف= خلك جبـل فـي وجـه الأيـام عاتـي
واحذر تكون إنسـان والعالـم سيـوف=وهناك... بس هنـاك... سـر اغنياتـي
حزني... ضياعي... حيرتي سيرة ظروف= وهنـاك... تتفهـم... حنيـن التفاتـي

أبيض من الدمعة برمش اغترابي=قلبي ولايحقد على انسان ياريـم
يمكن رجا النفس الطموحة سرابي=واجبرني امشي سكة كلهـا غيـم
أوطيب قلبي بالمشاكـل رمابـي=دفعت ناتج غلطتـي دون تحكيـم
ويمكن ظلمني مجتمـع مادرابـي= ياما بسجن الشك نـاسٍ مظاليـم
نعم.. نعم تيـار بقعـا مشابـي= حزني غيوم ودمعتي هاطل الديـم
لكن أبد مهمـا تعمـق صوابـي=ما اقتنع واعلن للاقـدار تسليـم
إيماني أقوى من قـويّ اكتئابـي= وآمالي أكبـر بالليـال المقاديـم
جـارح الكلمـة فديتـك شبابـي= هذا اعترافي دون سينٍ ولا جيـم
اسم الثقة عندي توفـى ولابـي= أطيـع شايـر لابحـلٍ وتحريـم
وسرٍ ربا بالروح بالجـرح ذابـي= الناس قالوا كـل طقـة بتعليـم
قدمت لك سيـد الأدلـة جوابـي= فيه اعترافي واضحٍ دون تفهيـم
كان الخطا يبقى مخلـد ذهابـي=جرح الندم له في جبيني تراسيـم
ما احدٍ بهالدنيا يقاسـي عذابـي= ادفع ثمن تدبير غيـري بتكتيـم
ياعاتـبٍ منّـك قبلـت العتابـي=وقدّر بأن مقابلك داسـه الظيـم

يعنـي تطنشنـي كأنـي ولاشـيـن= ولاولاوشـلـون ربــي حسيـبـي
ان كان لك ثلثـه فلـي فيـه ثلثيـن= هـذا قضاءلاتستـحـي ياحبيـبـي
أخذت منـه وفـي هـواه الأمرّيـن= وماكان رغبه قـد ماهـو.. نصيبـي
هربت لـه أو عنـه أوفيـه بعديـن= هالدرب هذا وين يـب ينتهـي بـي
لاله علّيه ديـن ولالـي بعـد ديـن= ولاهو ولـد عمـي ولاهـو نسيبـي
كنت أركض أصلاً بالهوىمااعرف وين= ولاأدري ان اللـي دريبـي دريـبـي
سيفٍ هوى بالطفل وأصبحت نصفيـن= نصـفٍ يسئّلنـي ونصـفٍ يجيـبـي
هناهنياهنيـه وأحيـان بـه هـيـن= أركـض ومجهـول الهويـه طليبـي
جـرم البـداوه يدفعونـه ملايـيـن=ذليت أسولف قصتـه وتهفـي يبـي
من عـام الأول..عالـم أول وثانيـن= والهندي الأحمـر مقتفيـه الصليبـي
عندي قمـر مثـل الولدفيـه بنتيـن=ياخـي دخيلـك فكنـي وش تبيبـي
ان كان لك ثلثه..فلـي منـه ثلثيـن=وثلـثٍ يقدينـي وثلـث يغـدي بـي

دعوات عده بينهـن دعـوةٍ غيـر= ومن يـوم قالواغيرمافيـه غيـرك
من فرحتي عجزت ألـمّ التعابيـر= ياكويت شكـراً كثـر الله خيـرك
يادرة العقد الخليجي مسـا الخيـر= يعـز شعبـك يحفـظ الله اميـرك
والله زمان..منوره..حن لـك طيـر= الله يتمـم فرحتـك فـي اسيـرك
وتائك ترى قبل أوصفه تاء تنويـر=رغم جهل جـارٍ عمـى يستثيـرك
وحنا.. أول اخوه قل:قبل جدنا الزير= نذيرنـا يـادم واحــد نـذيـرك
قبل الذهب والنفط قبـل الدنانيـر= نعـادي معادينـك وننصرنصيـرك
سعودي كويتي..تنتهي لابغا يصير= شيٍ عسى هـو مايصيرويجيـرك
شعور مولاي الفهـد خيـر تعبيـر=لك غير غيرك منهل القلـب بيـرك
بكل(( السعوديين)) من كبير لكبير= لكبيرك أصدق عاطفـه ولكبيـرك
والحمد لله أمـن فرحـه وتحريـر= وصرتي مثل ورده يجنـن عبيـرك
شاعروأحبك باتغـزل بـك يصيـر=اموت فيك من أولك ليـن اخيـرك

صباح الخير يا أجمل صباحاتي على الاطـلاق= جميل الصبح لكنه غدا مـع ضحكتـك أجمـل
يشاركني غلا وجه يكسـر نومتـه مـا فـاق=على نورٍ لثم خـدك لثـم حتـى بغيـت أثمـل
صباح القهوة المرة وبقايا مـن سهـرك أوراق=صباح أحلى السمر بالكون وخل اللي زعل يزعل
صباح الخوخ يا خوخة صباح مراهق الـدراق= صباح القرمز الغافي رعيته وأن تماريت اجهل
صباحي شوق كم نمتي كأني لي عمر مشتـاق= هي الساعة يا ستي ست أو أني صايـر احـول
تثاقل شمسنا الخطوة تسرح شعرهـا مشـراق=يقلـد بعضهـا نعاسـك ولكنـه يضـل اثقـل
صباح الضحك والنكته عسل لو يزعل السـواق= شربها مثل مـا قبلـه شربهـا جاهـل أثـول
صباح الدلعنه عالصبح تجي مثل المطر رقراق= يشع العطر بالدنيا غنى ليـت الطريـق اطـول
صباح الحلم يا وجهٍ طفولـي يسـرق الافـاق= هو الاكـرم بهالدنيـا بهالدنيـا هـو الابخـل
أحبك يا صباح الحب ولا يروي ضماي عنـاق=واشوف الظرف روضني بديت لرفضته اجمـل

مجبور أعايش غربةٍ باسم الإحساس= وأجامل الأحـزان باسـم السعـاده
واحيا برجوى مقبل العمر لا بـاس=واصبر على حكم القـدر والقـراده
متفائلٍ بالخير مبعـد عـن اليـاس=واجاهـد الحـظ الـردي بالقـراده
لو صابني جور الليالي والإتعـاس= وأعلنـت للأقـدار كـل السـيـاده
أشيل من قلب الشقا كـل وسـواس= وأقول من صدمـات قلبـي إفـاده
اصبر وكم شاكي الليالي من الناس=ولو صار سهر الليل للعيـن عـاده
وليا عصى قلبي سلمت أنت يا رأس=خله عسـى قلـب الشقـا للإبـاده
خله يعايش غربةٍ باسم الإحسـاس=منـه علـى حالـه وهـذا مـراده

مادام ينبت سنابل قمح وجـه أمـي=مايوصل الجوع لوحـاول لوجدانـي
واللي يبيهاحـرام ان قلـت ياعمـي= لاضرب رصاصه بعيني واقطع لساني
ذا شعري اللي تشوفونـه وذا دمـي=من منهم اللي يشرب نكهة الثانـي؟
تظلم وأغني بسرب أقمار من فمـي= عاهدت أنا الناي والراعي وغنانـي
أحيان اسمي وبعض أحيان ماسمـي= خاف الشياطين في عمـري تبلانـي
كم واحـد لاك(قبـل معاشري)ذمـي= ولاني موصي على قاصي ولادانـي
لي دربي الخاص لي فكري ولي همي= لي ذكرياتي لي أحلامي لي أحزانـي
ومازال يشرب رياح عنادهـم كمـي=والله لاحلق واحلق وارسـم الوانـي
ماقدامك غبار ياخيـل أولـي شمـي=بور القصايد وغني لي عن الجانـي
مانيب مسبوق لي سفني ولي يمـي=والناس مثلي وانا ماقـول وحدانـي