الرمح يالمطنّي

الرمح يالمطني اطعني و لا اشوف افراق=إمن الحبايب شف قلبي ذايب متى الحبيب يعود
اقطع معاك بحورك وازورك مخلف وفا العشاق=تحضن اديك ايديني يا عيني يابو عيون ٍ سود
انا معك للآخر يا فاخر يا راقي الاشواق=كلك ع بعضك طيب إحبيب يا آخر العنقود
ارجووك لا تظلمني تحرمني من نورك الشعاق=لا فايده من هجري يا عمري واتبدله بصدود
مالي حبايب غيرك لا غيرك ابد على الاطلاق=ولى انت لو تدريبي ذا طيبي بس افهم المقصود
ودي اجي في بالك بوصالك اجدد الميثاق=لا يحرموني همسة او لمسة جديلك المفرود
اسايرك بشواقي واوراقي وآخالف الاذواق=بيحتلك احساسي يا ناسي عسى تجي وتعود
واجرلك موالي عزالي من رمشك السراق=كل الحزن بعروقي في موقي من دربك المسدود
اشكي عليك الدعوه والهقوه ما خيبت مشتاق=علّ الزمان يعجّل ويخجّل فيك الوفا معهود
وآقول لك اشعاري واعذاري ثم احضنك بعناق=مدري الجفا من عقلك او ثقلك او الرجا مفقود
باجيبلك طرقيني وهجيني يسحب من الاعماق=ينثر على ناياتك واحياتك ما جبت لك منقود
لو تنتهي قيفاني وآعاني تتساقط الاوراق=كل القوافي ملكي يا مسكي من نفحتك والعود

اسـايـرك بشـواقـي واوراقـــي وآخـالــف الاذواق
بيحتلك احساسي يا ناسي عسى تجي وتعـود



عناد

صح لسانك يالغالي

ابيات رائعه

الشاعر/ عناد الرواد


صح لسانك يامبدع قصيده جزله من راس جزل


تحيتي لك

صح لسانك شاعرنا عناد ولا فض فوك
دمت للجزاله خير مثيل

عنــــــــاد الــــــــــرواد

ياسلااااام ياسلاااااااام

رائعه جدا راقت لي بجمال تركيبها الجميل

بحرها / قافيتها / دقة تركيبها الهندسي / معانيها

الواضح انها قصيده وطنيه ان كان ماني متوهم

خخخخخخخ

والله تفنن رااائع في الكتابه وجميل ان يكون هناك تجديد

في الشعر والابتعاد عن التقليدي الممل

وانا دورني عند ها الحركات

مالي حبايب غيرك لا غيرك ابد على الاطلاق
ولى انت لو تدريبي ذا طيبي بس افهم المقصود
ودي اجي في بالك بوصالـك اجـدد الميثـاق
لا يحرموني همسة او لمسة جديلـك المفـرود


صح اللسان وسلم البنان ابا سطام

سعود المطرفي

لا هنت يسعدني مرورك يالغالي

بحر القصيد

لا هنت على الحضور

تحياتي

عزيزي خالد القنفذ

الله يحييك وصح كلك

ابو فارس

حاضرين

روده لقلبكـ

رفع