انا ما شرهت الا على هدّة آبو قطاب.....وابوقطاب لا صاد الهزيله يروبجها

عليتس السهر يا عين يوم الدموع احراب=وعلي الصبر قدم الدموع وتدحرجها
على صوت حبّات المطر ينشد المزراب=تحشرج بي اللحانه وانا ما احشرجها
مثل طقطقة نار الشتا وقتي الحطاب=تطفيني الرعشه وترجع تأججها
تمرجح جناحين الفراشه وانا مرتاب=رهين ابتسامات الورود وتغنجها
اصلي وجرحي يسجد ابعتمة المحراب=والملم جروحي وسط روحي وانسجها
واعيش الاماني قبل ما تندفن بتراب=لصار الامل ذره فنا لازم انتجها
اسوق المراكب دام طبع الهوى غلاب=وآطى على خشوم العدويين واسهجها
بغضت النفاق وسنّة الكفر بالاعراب=وعشقت المراجل وكل رجل ٍ يسارجها
واحب الحيا والمستحا واكره الاعجاب=واقّدر معاني الحب فيني واتوجها
وقبل ابغض الكذاب امشي معه للباب=واحب احقر الحقران واحتج وافلجها
غشيم الطيور ايهدّ ولا يشبع المخلاب=تحطه مع الكوبج والوكارى تكوبجها
انا ما شرهت الا على هدّة آبو قطاب=وابوقطاب لا صاد الهزيله يروبجها
تعلمني الدنيا واشوف الحياه اسباب=كنوز التجارب في حياتي مناهجها
واعرف المعاني والمباني واحسب احساب=الايام وصدوف الليالي ومخارجها
واداوي الحنش بالداب واشلع شجرة الداب=إلين الفرج ياتي من الله ويفرجها
ولا اخلف النيه واقول الزمن نصاب=ولا ابني احلامي على شي وادرجها
اذا مختلط طهر البراءه بسم الناب=وكنت آخر الناجين لازم تعالجها
أيا ليل لا تشره مدام القمر قد غاب=لك ابراجك اللي لنطفينا بتبلجها
تموت اكثر احلام البشر داخل المرآب=هنا ننحرج وهناك الاحلام نحرجها

عليتس السهر يا عيـن يـوم الدمـوع احـراب=وعـلـي الصـبـر قــدم الـدمــوع وتدحـرجـهـا



صح لسانك واعتلا شانك مدد لاعدد


وبيض الله وجهك على هالشيخه

قصيده توزن بالذهب وماهي مجامله

لانك ماتجيب الا الفرايد

تقبل مروري

تحياتي وتقديري لك

دمت بالف خير

الرواد الين انك وقفت علي الاطلال

واوقفتنا معك


دمت بهذا الحظور الراقي

وصباحك خير

عليتس السهر يا عيـن يـوم الدمـوع احـراب=وعـلـي الصـبـر قــدم الـدمــوع وتدحـرجـهـا




عـنــــاد الـــرواد شاعر جــــزل





ابـــداع من الشاعر المبدع والقدير/ عـنـــاد الـــرواد قصيده جزله




من شاعـــر جــــزل صح كلك





لك اجل تقديري شاعرنا القدير

الشاعر/ عناد الرواد

صح لسانك يالمحيط الجزل وتسلم على هالدرر

دمت على هذا الحضور الشامخ


تقبل مروري المتواضع

تحيتي لك

شكرا للمرور يا شباب

الله الله الله


عناد الرواد


صح السانك صح السانك صح السانك


رغم اني تعبان وجاي من سفر الا ان هذا النص يجربني على


تسجيل الحضور


تقبل مروري وفائق تقديري

عناد الروّاد .

لله درك اخي
والله ثم والله
جزل ياعزوتي .
اقف احتراماً لكل بيت . بل
لكل كلمه .
متاااابع .
تحياتي وودي لك :
عبدالله فهاد البجيدي ,,

الله الله عليك ياعناد

اقف اجلالآ لهكذا حضور

فقط سجل اعجابي

لااملك عبارات ثناء تفي بهكذا بذخ شعري

دمت بخير

عناد الرواد

الله يسعد ايامك ولياليك

قصيده تضاف الى ديوانك المشع با الشعر الحقيقي الاصيل

اطربت الذائقه ابا سطام فالله درك ياراائع

صح السانك على كل بيت وحرف

تقديري واحترامي