ذكرى وأشتياق \ديوان ابراهيم حرير العنزي

احـــــــــس انا بالقلـب دقـــــاته سريع=كنت انا بمان والحيــــــــــن بخطـر
ياالله ان طـالبك يارب سمـــــــــــــــيع = تفـــــــترالايـــــام وتقـرب السـفـــر
اروح انا للمـــــــلكة بـــــــــروســـيع =واوصل البـــدوان من عقب المـطر
ناكل الخاثــــــــــر مع الزبــدة تميـع = وسط خــــــبز صاخــــن توه عطـر
من يــدين الزيــن بالخصرة الرفـيــع = ووجهها يـــنور مثــل ضو القــمــر
حين شفت الزيــــن ماعــــاد استطيع =وقلبي اخطر وارتمى بحـــر الجمر
والله لتـــــــبعها وودع للجمـــــيـــــع= من غـــــلاها دوم تامــرني امـــــر
صرت انا في حبــــها عبــــــد مطيع =لااســـــجل اوف ولا اقبــــــل عـذر
راضي في حكـــمها لــــونه شنـــــيع =ياناس ابلياه وش يســـــــوى العمــر

يانوي الحرب وينك وين بارودك =اما تحمى عن الضد والا عليهم هجم
انا الهدف والاغيري صار مقصودك =والا لحلمك تبخر ماتحقق وهم
جهزت جيشك علية حاشد احشودك=وهني من هو لحربك من لقاكم سلم
رجع سلاحك وجنب كامل افرودك=خل الحرايب ووقف لالامور الاهم
عرفت وجهت طريقك بان مارودك=جاوب سؤالي بسراحة لا والا نعم
انا أعهودي قوي وينها اعهودك =وين المحبة تفاني كل منا فهم
من هو تحكم والا قيد اقيودك =والا حبيبك تزعل له عليكم عشم
ان كان قصرت في واحد من احقوقك=تراني انسان جسمي من اعصاب ولحم
اغفر وسامح بزلة زل معشوقك =كل يوم لازم تحسف او عليها ندم
أندم ولاكن تمسك لك بماثوقك =لاجل ايتحقق مناك و بالنهاية يتم
اغفر واسامح واجنبك عنك باذبوبك=واقول هذا ك واجب هو تجاهك لزم
واذا انت غيرت اسلوبك مع ثوبك =كل يوم ابراي تزعل مرة تبتسم
تذكر اعيوبي وتنسى كامل اعيوبك=واحساسك اليوم جف ومابقابه دسم

ادري تحرى تلفوني يناديك= وانا بعيد بس انادي خيالك
اشتاق لو كفي بكفك واياديك=فيها المحبة وفيه لمست حنانك
يسرح خيالي وانت تسالني اشفيك=واقول ليه الورد صاير مكانك
هبت نسايمها العذية باراضيك=ولذبلت اعذوق الزهر بانذبالك
شفت الربيع اشكال من لونه اعطيك=وشفت الجمال اللي يسابق زمانك
وشفت السيوف اللي ذبحتني بعينك=برق لمع بين الهدب في اجفانك
اجتاح قلبي وصار بالحيل يغليك= ومنه الوفاء والحب كله هدالك
واصبحت تاجه وبغلاء الروح يشريك=وما فيه واحد نال حبه مثالك

بنيت البيت من اجلك حبيبي =جاهز ينتظر حضرت جنابك
سهرت الليل اودي واجيبي =واحفر الصخر لاقصر حسابك
اغامر انطح الشي الصعيبي=وانا وياه مرات انتشابك
غيابك زود بهمي وشيبي=وقلبي دوم واقف عند بابك
حرس يحميك من واحد غريبي=يشوف الموت لاجى لاقترابك
لانك شمعتي وانت نصيبي =حلى كل الحلى ماشي عابك
اعيش بعيد ماواحد دريبي =لاكنك سارح لاقي احبابك
بسرعة ارجعي لالاتغيبي =على خل تاذى من غيابك
جفى للدار والحاله غريبي=يتمنى رجوعك واقترابك

تساليني وين كلمات السمــــر =حبكم يازيـــــن والله مانساه
انت حبي انت قلبي والنظـــر= وكل يوم بيوم يزداد ابغــلاه
عقبكم تمضي ايامي بالسهــر= لو اسولف ناس كني بالفلاه
غيابكم طول تعديت الشهـــر =تمضي الساعات بالونـه واه
اهدى عنكم واتجمل بالصبـر =هذا حكم الله وامنى ابقضـاه
ايش حدك بالمرارالا الامــر= الدهـرحاكم وماحنا انعصـاه
اخرالغربى مع الام الصبـــر= يمكن الايـام تجمعني معــاه

انا بعيـد بمنطقـة مابهـا الارسـال=وحبي مع نبضـات قلبـي يراسلهـا
في ديرة ماينفع الفاكـس والجـوال=ماغيرصورة داخـل القلـب منزلهـا
زاد الحنين وشلتها بالهـواء مـوال=وصار الزمن كـل الليالـي يطولهـا
يرفع قوي الضغط لين استوى شـلال=وباقي شراييـن المشاعـر يسيلهـا
يعبر الهضاب النايفة والوعر واجبال=سيـل ليامـر المراعـي يجفلـهـا
عارف طريقة مايهمه صخر وارمـال=ولازم علـى دار الحبيـب يحولـهـا
صبح عليهم يارسولي وكيف الحـال=والروح من شوف الحبايـب يـبللها
شوف الاحبة يفرح القلب شوف اعيال=وام العيـال الياتـريـح يغازلـهـا
حبيبي انـت حبـي ودايمـا بالبـال=وحبك مع روحـي حبيبـي يعادلهـا
انا شربت الحـب كلـه لهـا بـدلال=وراحت شعور من المحبـة تبادلهـا
ارهن حياتـي كلهـا دايمـا والمـال= ا قـدم الخدمـة واماشـي رحايلهـا
انا وصفت الشوق زايد مـع الامثـال=وزاد امتداده ليـن عانـق سواحلهـا
انطر قدومـك كـل مامـرت الازوال= انظر على طول النظر وين اخايلهـا
صورة حقيقة ثابتـة مابهـا زلـزال=مرسومة فـي داخـل العيـن اظللها

ياعالم الاسرار بـأسمـك بدينـا =يامحيي ارض العدم من عدمها
تعلم اسرارافعالنا مـن بدينـا =وغيرك خفايا الروح محدفهمها
ادعوك تغفـرزلتي ان اخطينا =في ظل عدلك لاحشـى ماظلمها
بعض البشريخفي اموره علينا =ماشي بخطه من خيالـه رسمهـا
مايدري انى مع خطاهـم مشينـا =وبعض الامور العندنـا مافهمهـا
ان قلتله يسـرى نحـر باليمينـا =ولياسالته عـن اخبـاره كتمهـا
غير السراحه بالخفـى مارضينا =ابوضح النقىاعلن اسرارك اعلنها
ان كنت واثق من مسيـرك يقينا =واصل طريقك لاتخف من الغمها
لاتخشـى العـدوان والحاسدينا =خل السهاله واعتلي فـي اقممها
ولاجيت تسالنا تـرى حاضرينـا= ننصح وكـل افكاركـم نحترمهـا
وصلاةربـي عـد فجـر يبـينـا= على النبي كل الرسايل ختــــمهـا

ربعي بني وايــــل يــدوم= يــــــدوم عـــز أرجـالها
اهل الكرم هـذي أســـلوم =عادات ربـعـي وحالها
ماأنظام من جاهم مظيوم =يبشر أبــــــرد أظـــلالها
تحميه من حــــر السموم= يســــكن أبعــالي أجبالها
شجعــان لاصار اللـزوم = يســـعـــد مـــن يلجـــالها
ربعي بني وايـــل يــدوم= يــــدوم عـــــــز أرجالها

أتجهنا للريــــاض امسيريــــــــن= عند أبو أرضيمان نتحرى عشانا
عمت الفرحة وحنا أمســــافريـن= وأنا والشايب نغني ليلة دانــــــا
فجأة أنقص الكفر رحنا طحيـــــن= ما ميزنا صبحنـــــــا والا مسانا
عقب ماحنا جميـــــع قاعديــــن= صرنا نلعب بالبـــراحه مزلحانا
وابو راضي صار للسايق عوين =ثبت السكان يــــــــــوم انه قوانا
حيل داب من قساته ما يـــليــــن= يشرب الدخـــــــــان ماكنه معانا
لين حولنا وجـــــــــينا مسرعين= للحديد وعقبها الشيك أيــحـــدانا

فوق الجبل اللي بعيد عن الســـــــيف = شرق الرياض اللي على المدن نايف
العاصمة ياعلها دايـــما ريـــــــــــف = يسقي بها الضميان ماراح عايـــــف
يلفي لها من كل ديـــرة مضايـــــيف = دار الكرم للي على نجـــــــد ضايف
حبي لها ماهو دعـــاية وتزيـــــــيف = حبي لها من يوم كنا ولايـــــــــــــف
هي دار أهلنا مالفـــينا صوديــــــف = عاشوا أبذراها بالسنين العجـــــــايف
أعيال وايل لافزعنا مراديـــــــــــف =يشهد لنا بالمجــــــــد كل الصحايف
نسرح ونمرح بالفخر ما بنا ضعيف = لين استقرت مابها اليوم خايــــــــف
بظل حكام لهم مجـد منــــيــــــــــف = من دور ابو تركي عجيب الوصايف
واليوم عز ومالقــينا تــــكالــــــــيف = عاش الجميع بدون شـك وطـــــوايف
ولازانت الايام ثــم هبهب الصـــيف = شلنا على موتر ندور المصـــــــايف
من الشمال لعرعر وحطها أطريف = للجوف لسكاكة على المــــدن طايف
فوق الجبل والغيم من تحتنا شـــيف = عند الهـــــــداء يازهرة المدن طايف
ولاجيت للباحة نسايم نفانـــــــــيف = بين الجبال اللي رفيع صـفايــــــــف
أنهالت الامطار مزن حـذاذيــــــف = ياما يصير لكل وادي وحـــــــــايف
والله يحمينا جميع العــواصــــــيف = دام المواطن سور عن كل حــــايف