$$يفز لي فزت هل الجود بالضيف$$

----------------------------------=
اتمنى ان لاتاخذ من وقتكم وتعجبكم=
--------------------------------=
------------------------=
على اللقاء سقت التعب والتكاليف = شاري وابهزم بالغلا كل شاري
كلي وفاء ياطى على هامة الحيف = وفاء السحاب اليابسات الصحاري
ليل السمر تحت القمر واول الصيف = جاب الفرح يوم اهجعن الذواري
الله محلى همس ذيك السواليف = الجو هادي واول الليل ساري
بعده شقى ولحظات قربه غطاريف = بسمة ربيع وضافيتها خباري
فيه الحضارة ما محت مظهر الريف = وفيه العلامات المواري مواري
موت الجفا لحظات وصل المواليف = ومن لا درى ينشد من الناس داري
وذاك الذي بعده يسوق التحاسيف=اللي بصدري حط مثل الشباري
يفز لي فزت هل الجود بالضيف=وافز لا جاله مع الناس طاري
الشاعر\\سعود بن هندي المسعودي=