::ديوان الشاعر القدير/ عواد الدهمشي ::

وش تـــبـــيــن

وش تبين بقلب ميّت من زمن =وش تبين بقلب عافك من زمان
كنتي اغلى شي في قلبي سكن =كثرماقلبك غدرفيني وخان
كنت اداري خاطرك باقسى المحن =لوقسى وقتي علي اقول زان
كنت اعزف الشعرلعيونك لحن =كنت احبك حب وصّل للجنان
ما اطيق دموع عينك يذرفن =كثرمادمعي رخص عندك وهان
يوم شان الوقت وايامه قسن =راجعه الحين يوم الوقت شان
وين راح اللي بجمالك منفتن =ارجعي له واطلبي منه الحنان
اما انا يابنت يكفيني طعن =وخنجرك ماخلّى في قلبي مكان
مات حبك مات حبك واندفن =كان ياما كان وانسي شي كان
دام بان الغدرسمعيني اذن =ارحلي عني مادام الغدر بان
كنت احبك كنت في ذاك الزمن =كان ياماكان في ذاك الزمان