::ديوان الشاعر القدير/ عواد الدهمشي ::

سيف العرب

يابو فيصل...لاتعايدني وانا=في حشايه يافهد...تسعين كيّه
كيف أعيّد؟...دام هذا وضعنا=وضعنا مزري ...وحالتنا رديّه
يستفزونا...يبون حلوقنا=دون حلقي ...مالقيتك يايديّه
يذبحون اخواننا ...اللي جنبنا=فوق هذا ...ياخذون المال ديّه
وكن هذا اللي حصل...ماهمنا=دامها سلمت رقبتي ...ماعليّه
كل هذا ...لجل نرضي امنا=وامنا تظلم ...وفيها عنجهيّه
ياعجوز الغرب ...زيدي ذلنا=قابلين الذل...في نفسٍ رضيّه
عيد الأضحى...يفترض به عيدنا=بالأخص ...اللي تبع سنة نبيّه
وماحصل في عيدنا...عارٍ لنا=ضحوا بسيف العرب ...والله قويّه
كيف أعيد؟...يافهد قلّي وانا=شفت صدام العرب ...أصبح ضحيّه
يمكن إنّا ...نختلف بآرآئنا=أحترم رايك ...ولاتزعل عليّه
وإختلاف الرأي ...دايم بيننا=(إختلاف الرأي ..لا يفسد قضيّة )