::ديوان الشاعر القدير/ عواد الدهمشي ::

ياهل الشعر

ياهل الشعر .. قافي وانا ولّفته
وكلٍ حسب مبداه .. منكم ولّف

والقاف يسترني .... اذا كلّفته
يوم إن غيري ... يكتبه متسلّف

وماشي على مبداي .. ماحرفّته
صادق ولو قالوا .. رجل متخلّف

وياهل البشوت الشيخ والله شفته
يقدح سطر فطرة .. ماهو متكلّف


ومادامني شفته .. حرام إن طفته
ياشيخ في مثلك ..... أنا متحلّف

ولو قلت أسمه ....كنني وصفّته
بيتين وأسمه .... بالختام مغلّف

شيخ الفعول .... القاف له وظفّته
قافٍ نزيه ........ ولاهو بمتزلّف

وسلام للديدب ....... معه كلّفته
للشيخ ابو فوّاز ...... راح مكلّف

عوّاد الدهمشي

عسكر عويّد

طيب وعفن ... .. مافيه كلمة جيّد
وكذّاب أو صادق .. مافيه مجاملة

ومثال لاهل الطيب ... عسكر عويّد
لايابعد ......... من مدّته بمعاملة

غيره اذا أحتجناه .... أصبح سيّد
وطاحت تحت رجليه ... ناسٍ هاملة

وابن عويّد .......... للكرم متسيّد
وطيبه على ..... كل القبايل شاملة

يالعازمي ... يامطير ... يابن زويّد
رد الكويت ...... أضعوفه وأرامله

حنّا ترى لولاه .........كيف نعيّد
ولولاه أكثرنا ...... غدت متزاملة

والله لو منتا ........ علي بعيّد
لاجيك .. وأحب الجبين الصاملة

ياللي بسوق الطيب .. صرحه شيّد
عنوان صرحه ..... المراجل شاملة

وياللي على قافي .... غدا متصيّد
والله مامدح شخص ... او أجامله

طبعي كذا .... ويحرم علي ماحيّد
أعز قافي .......... قلّهم ياحامله

مامدح سعيّد ...... قبل فعل سعيّد
ولامدح أمير ..... أرجي كرم أنامله

وختامها ....... ياعسكر ابن عويّد
انت الذي ..... نلت المراجل كاملة

#عواد_الدهمشي

أخوان نجمة

بارك الله ....... بالجموع الوايليّة
وكل خيّر ياهلا .......... يالله حيّه

والقوافي حضّرت . في وسط راسي
كنها طابور ...... في عرض السريّة

لكن الطابور ........ ماهو منظبط
كل منهم ناويٍ ...... يسبق خويّه

دامها متوجهه .... لاخوان نجمة
قلت ثابت ...... بس ماردت عليّه

من يلوم القافية ........ لو عجّلت
القوافي تفتخر ...... بأهل الحميّة

الغلا لعيال هجرس .... من زمان
إن بغيتوها وفا ...... او عنصرية

بس والله فعلهم ..... من جابني
يوم صكوا .... قالوا نوصّل لمية

حي من عقّب .... عيالٍ مثلهم
مثلهم ماهو بحاجة .... للوصية

ماسكين الدرب .. من كونة ثميل
عزّهم بالسيف ... ماجاهم عطيّة

حقهم مايرجعونه .....بالوسايط
ياخذونه والخوي ... يلعن خوية

قلتها وكلّي فخر ..بأخوان نجمة
وكان قلتوا .. عنصرية .. عنصرية

#عوّاد_الدهمشي

ثامر الهذّال

ياثامر الهذال ........... ياحي فالك
والفين نعم بشاربك .... . يابن هذال

انشهد انك عز .......... للي لجالك
ياحي شيخٍ شيخته ..... كلّها أفعال

ياشيخ أخذت الطيب .. .. كله لحالك
لايابعد من طيبهم .. .. طرق الأقوال

سألت قالوا هات ...... وشو سؤالك
قلت الكرم عمام ..... منهم له خوال

قالو لي فرحان البكر ..... هو خالك
قلت اكتفي قلت اكتفي .. مابه مجال

مالوم كل الطيب .........لو يبرالك
يامكيلين الطيب ...... مافيه مكيال

وياللي تشيل شوال ... رجع شوالك
ماعاد به طيبٍ ... يبي يشيله شوال

(شيخ الحميّا) لك لقب .. هو حلالك
أنت الحميّا والسطر ... يابن هذال

#عواد_الدهمشي

يا مرحبا وأهلا هلا بديوان عواد
يا مرحبا وعداد مليون ترحيب

والشعر وافي كنه الجمر وقّاد
وجزل المعاني ترتب القاف ترتيب


الشاعر القدير عواد الدهمشي

صح لسانك وبيض الله وجهك أبدعت وأمتعت
بأنتظار عذب القصايد والجمال الشعري
دمت بود