ديوان الشاعر /زايد الدغماني

أسعد الله صباحك يا القصيد ومساك=بكل حزه تراني يا القصيد احتريك
ماتخيّب رجأ اللي من خفوقه عطاك=كل هاجس تعدا راح اعده عليك
تدري انك خوي وسط قلبي غلاك=وتدري اني قريب وصرت منك وفيك
لك عليّه جميل وكيف ابلحق جزاك=شلت عني كثير من المواجيع ذيك
مالقيت ابحياتي مثل طيبة نباك=انت بلسم يداوي كل جرح(ن) سميك
يشهد الله وفيت وقلت ابمدح وفاك=وبعترف لك با اني يا القصيد اهتويك
بس خلك معايه وانا ببقى معاك=وكل ماهتاض قلبي اعرف اني بجيك
انت تقرا شعوري عندا هذا وذاك=وانت نفس(ن)عميق وبا الحياه انتشيك

م م ل ك ت هـ ا

إلـ / مملكتها رحت ابداوي اجروح =ورجعت كلي اجروح من مملكتها
استوقفتني عند بيبانها اجموح=واحروف تعطي للبشر سالفتها
تضيق روحي لاشكت للملا روح=والا جروحي عارف(ن) مشكلتها
يمكن لأني تارك القلب مفتوح=ونفسي جميع اوجاع غيري حوتها
ياياسمينه عبقها فايح(ن) فوح=تفوح لوشمس الضحى محرقتها
مالت قهر/ ذبلت سهر/ عطرها بوح=لقيتها وعايشتها مسألتها
تميل مع صوب الهوى وين مايروح=ومن حسنها مافيه ايد اقطفتها
حطيتها صوره على قطعة اللوح=تصعب على كل البشر معرفتها

لعنبو حي الغلا ويش سوابي=لو حفظته بينّت بي علاماته
ماعطيت السر إلا لمرقابي=يوم جيته با الشعر يفهم ابياته
حبها مخفيه عن اقرب اصحابي=يبي يدري مير ياكبر شرهاته
لو هواها هدني واتعب اعصابي=في هواها الموت ذايق ملذاته
ان حكالي با الوفاء سيّل العابي=ون سكت ماغير اراقب حركاته
والله اني ما خبر طيفها غابي=ولو يغيب اتزور عيني خيالاته
لو يشوفه عسكري حطه ارهابي=من كثر ماترهب الناس نظراته
ولويشوفه حر(ن) اشقرعلى بابي=هد يمه يحسبه بعض صيداته
يا المضايف لو دريتو عن صوابي=كان جبتولي ربيعه بعياداته

على رجم العنى برقى واسيّح خاطري فوقـه=مدام الصدر متضايق على رجم العنى برقـى
عليه ابشكي الفرقى وأشوف شلون منطوقـه=مع اني عارف(ن) رجمي عليه ابشكى الفرقى
هويت الجادل الطرقى ولذيذ النوم ما اذوقـه=ولاادري ويش خلاني هويت الجادل الطرقى
اغرّب والتفت شرقى يشد القلـب معلوقـه=الا يامصعب الفرقى اغرّب والتفـت شرقـى
ما حسب اني ابي اشقى اذأ عشقت معشوقـه=غشيم وضعت بعيونه ما حسب اني ابي اشقى
هواها كا الهواء وانقى وبين البيض غرنوقـه=وانا والله ماابالغ هواها كـا الهـواء وانقـى
وصرنا با الهوى غرقى وكلن يشتكي شوقـه=تعاهدنا وتواعدنا وصرنـا باالهـوى غرقـى
ولاادري وش نبي نلقى بعد ذا الحب واطروقه=عسى الله يكتب الخيره ولاادري وش نبي نلقى

هو صحيح الناس ماتبي الصحيح=ولابقى لصدق با الدنيا مساحه
كم صوت ٍ في حناجرنا يصيح=وبصراحه ما لقينا اهل الصراحه
نجرع الامرار حتى نستريح=ونتعلم كيف اسلوب الوقاحه
ياهجوس الخير با المعنى الفصيح=ما انت لاقي في زمان الكذب راحه

اف ما اقوى هز صوت الانفجار=من حنايا القلب لين الحنجره
صارت اقلوب البشر مثل الحجار=ومن حرارة ما بها متفجره
كل هذا وهو شاعر با الايجار =مبلشن ها الخلق في ماسنجره
جاء يطالب للمنازل والشجار=حسبي الله من علينا جرجره
جاء يهايط بس بأسم(ن)مستعار=ومن ورى الشاشات رافع خنجره

صح لسانك يا ابو فارس حضور للاحتفاء ومتى تجينا للقيصومه : )

حي الله من جانا امسيـر=مـن سكاكـا جانـا متهيـر
الدغمـانـي رجــل ٍ خـيـر=عسـاهـا أيـامـه سـعـيـده
بالقيصومـة لـك جماعـه=يامرحبـا بـك كـل ساعـه
مرحـب بـراع الشجـاعـه=دايـــم أرائـهــم ســديــده
أرويـلـي وعقـالـه مـايـل=هو راعي العليا من وايل
مــن قـبـل لـهــم فـعـايـل=نظـرتـهـم دايـــم بـعـيـده
ونعـم بشيـوخ الشعلانـي=أكـرام اليـا جاهـم عـانـي
النوري هوعالي الشانـي=وأورنـس الذيـب الوليـده
هــــم قـرايـبـنـا فـخـرنــا=مـاشــي عـنـهـم ذخـرنــا
لامــن دعـونـا حـضـرنـا=جيـنـا مــن أديـارٍعـديـده
وأختم كلامـي أبترحيبـك=أنـــرحـــب يـامـعـزيـبــك
أن طبنا والله مـن طيبـك=وهــذا خـتــام القـصـيـده

الشاعر القدير زايد الدغماني

فرج فرج جعلك سالـم=اعـزك والله العـالـم
شاعر ردك دايم والـم=جعـل حياتـك مديـده
افخر ببوتـك لاجنـي=شعرك كنـه يحتظنـي
طرقك دقيق(ن) وفنـي=وافنون الشعر تجيـده
يافرج عـزالله وافـي=ترحب با الضيف الافي
اخون عزيز(ن)وسنافي=وخصالك دايم حميـده
وان جيت ابمدح افعولك=مايقدر حرفي يطولـك
ماظن يلحق قولي قولك=لكن قلبي شوفك عيـده

الاخ فرج الدهمشي

سعدت بحضورك وتشريفك والف شكر على الاضافه الرائعه
كنت ابحث عنها فلم اجدها في ارشيفي
والزياره قريبه ان شاء الله

لك الود والتقدير

يا مرحبا ترحيب بديوان زايد
يا زايد الدغمان عليك التراحيب

الشعر له معنى وقيمته بالفرايد
وبديوانه الشعري بتلقى الطيب

أسعد الله أوقاتكم بكل خير
صح لسانك وفكرك الشاعر المتميز بفكره وأسلوبه المتفرد شعرياً وأخلاقياً بهذا الموقع الجميل والوافي
متصفح عذب وجميل دائما كعادتك تتحفنا بكل ماهو جزل .. بأنتظار مايفيض به قلمك
دمت بخير

زايد الدغماني


رجل و أي الرجال شاعر عملاق يأخذك معه دون شعور الى عالم الجزاله و الابداع
فارس الحرف و الكلمه بين حين و أخر أشتاق لـ حروفه فـ أجد في ديوانه
متنفس و مقآم رفيع المستوى

دمت بـ كل خير