ديـــوان الشاعر /طالب ونيس السلمي العنزي

يـالــلــه يامـنـشـــي الــبـراق وخــيــالـــه=ياباســـط الارض ونـتـه مـرسـي هضابـه
تـفـرج لقـــلـبـا يــهــوم ولاتـــهـــيــالـــه=يـهـوم دربـا صعـيـب وكــثـرت انـشــابــه
اسباب هـمـه وهاجـوســـه وغـــربالــه=وقــتـا تـغـيـر ولادري وشــــي اســـبابــه
وقــتا لــيـالـيــه بــالاجـــواد مـــيـالـــه=بـيـنـه وبـيـن الـنـشاما حــرب وطــلابـــه
اشـوف مايقاس قـدر الرجـل بافـعـالـه=ينقاس قدر الرجل وش كـثر بـحـسـابـه
وراع السـخا والـمـروه حـــالـتـه حـالـه= بـيـن الــديايـيـن دخـلـه مـــاتــهــنابــه
بالـمـال صارت شـيوخا واصلها ثـعالـه=وتـوخـر الـلـيـث وشــاخ ثعـيل بالغـابـه
الشـيـخ حـوّل وركــب الـكـــور زمـالــه= ولاعـاد يـنـفـع قـديـم الـمـجـد وانسابـه

من الوجد انـــا والــلــه لـــــــــــــــــــــو الـــــــود ودي مـيـر الـــــــــود صـعـيـب المـنـالـــــــــي زمــانـــــاً فــــات لــو نـــــــــــــــه يـــردي تـمـني والـتمني مـــن هـــــبـــــالـــــي اناودي على المــــــرقــــــــــاب اعــــدي واسوق الشوف مع خـضــــــرالمفالــي واشوف الطرش يـــومــنــه يـمـــــــدي هـذاك يمين وهـــاذا لـلشـــــمـالـــــي واشوف اورود وردو صـــــــــــــوب عـــدي مـن المـنهـل يسـقّـون الـحــلالـــــــــي واشـوف ضـعـــــــون بـــــدواناً تـشــدي يـبـون لـديــــــرةً واديــــــه ســــــالـــي لو اشـدي نباتـه يــــــوم اشــــــــــــدي تقـل مـفـروش بافـيـاضـــــه زوالــــــي وحـولـي لابـة مـن عـقب جـــــــــد ي عريبين الـمـجانــي والـخــــــــوالــــي حــــــزامــــي بالـوازم ضـــــــــد ضـدي ولـــــو زلـيـت مـابـيـن خـــــمـالـــــــي

بالـمـنـتـدى قريــــت قــــــاف و تـــمـــــاثــيــــل = وجـــاريـــت بـبـيـوتـا بهــا الفـكـــر هاضـــــــي
هـيضـتنـي يـالــي تـــفـــــنـــنـــت بــالــــقـــيـــل = لشـــــــوف الربــيـع ومـــزهــــــــرات الفياضــــي
وحمّلت غرضـــان السفر والمــعـــــامـيـل = ومــايـــاخـــذه نــاو الســفــر مــن مـقــاضـــي
ونـويـــــت لــي دربــا لـعـلــه تـســـــاهــــيـل = نــبـــي ديارا يــــمـها الــبــــرق نــــاضـــــــــــــي
واليوم يذكـر يـمـهـا الــبــــرق والســـــيـل = صارن بها الغدران مثل الحــيـــاضــــــــــــي
قـفـراً لــه الـبـدوان تــــنـــــو الـمـحـاويــل = ون طـبها الحـوال فك الشـــــضـاضــــــــــــي
يـابــو عـــطـــــالله ياخــيـــار الـرجـاجــيـل = عطني خـبـر كاانـت يالـقــرم فـــاضـــــــــــــي
حــنـا نـروح لشـرق وانـتـم تـشــــامـيــل = نـبي الربـيـع اللــي شــــمـال الـريـاضـــــــــــي
بطـويق والطـوقي وهاك الـمـداهــــيـل = عـقـب الـمـحـل ربـي لها اليــوم عـــاضــــي
شـوف ام ســالـم فـيـه تـعـزف مـواويـل = الى نكسـت جـنـحـانـهـا بـنـخـفـــــــــــاضــي
وليلة ســــــــمـر مـابـيــن ذكـــــراوتـهـلـيـل = وســوالـف الاخـيـار حــــاضـر ومـاضــي
ســاعة صفى تسوى كثير المحاصيل = تـســوى حـياة مـســعــــريـــــــن الاراضــي
شـفـي بـخـوة مـثـلـكـم يـالـمشــــــاكــــيـل = ولالـي على من تـعـزمـون اعـتـراضي

قرئت مساجله بين احد الاخوات وتدعى ام فيصل وشخص اخر والحقيقه استمتعت
بـــــالـــــنـــــص الــــــــرايــــــــع وهــــــــــــــــي بــــــــهــــــــا شـــــئـــــيــــــاً مــــــــــــــــن الــــــــغــــــــزل
وهــاضـــت الـقـريـحــه بـــهـــذه الــبــيــات عـــســـى ان تــــــروق لـــكـــم قــرائــنــا الـــكـــرام

لايــام فيـصـل لـيــه هيـضـتـي الـعـيـن =يـومــيــن وانــــــا دمــعــتــي مـسـفـهـلــه
القلـب هـاض وفـز مـن بيـن ضلعيـن = هـــمــــاً يـــمــــهلله وهـــمــــا ً يــتـــلـــه
رحـت الطبـيـب وقــام يصـفـق بكفـيـن = صـــاح الطـبـيـب وقـــال عـلـتـك عـلــه
انـاادرس التشـريـح لــي عــدة سنـيـن = مــاظــن فـــــوق الــكـــون حـلــيــاك لله
جـاب الرنيـن وجــاب اشـعـه وتلـويـن = ولقاالـصـحـيـح وجــــاب لــــي الادلـــــه
قلـت اااهـيادكتـور قلـبـي غــدى ويــن = وانـــا مــــن اول خــابــره فــــي مـحـلــه
اكـتـب خــروج ووقـعــه لـــي هالـحـيـن = اضــــــن قــلــبــي راح درب (ن)يـــدلـــه
اخاف نحسب من حسـاب المجانيـن = انـكــان قـلـبـي مطـلـبـه مـــا حــــصلله
مـادرسـوكــم وش عـــــلاج الـمـحـبـيـن = واعــــلاج قـلـبــي عـلـمـكـم مــــاوصلله
انـــا دوايـــه شــــوف ســيــد الـمـزايـيـن = عـــذب الـكــلام ابـــو رمـوشــن مـظـلـه
عنـق الـغـزال وعـيـن فــرخ الشياهـيـن = الــلـــي تـعـلـلــى مــاكـــره فـــــوق تــلـــه

وهذه ايضاً من قصائـــــد الغزل

دلليـت انا بالهــــــوا دلــوي =ونشب الرشـــــــا والزبيريـه
انا احسبه لعب وتسلـوي = ودخلت به عن حسن نيه
اثـر الهـوا شـــــــر و تبلوي=مايعرفـه الا الـهــــــــواويـــه
لزوم في خالــقــك تــلــوي = وتعقد مواثيق مثــنـــيـــــــه
ابدايته لـطف و تـحــلــــوي=وانهــايـتـه قـــصـــة ســــيه
بغيت اوصــفــك يالــحلــوي= ياللي تقــل عنق ريميــــه
عين اشقراً فوق متعلـوي= طالع على الغصن قمريه
تغابش الــــدق والـملـوي = كلاً يقول الوصـف ليــــــه
وثمان زاهيهن الجلـوي = والورس محـلاه بشــــفيــه
قلبي تقل يلفحــه صلوي=ونوم البشر ماهنا ليــــه
كـنك لقلب العنا تــلــوي = وغير العنا مـاحصل ليـه

يابنت انا حبيت بالعمر مــــــــــــــــره = ولاظنتي يتكرر الامــــــر ثـــانـــــــــــي
مادام انا جــــربــت خــيره وشـــــــره = ويش الذي على العذاب يـــحــــداني
مّـــره وصـرم ثــومة الـقــلب حــــره = ولازال قلبي من صوابــه يعــانـــــــي
محداً لقا بالحب قبلي مـســـــــــــره = لاشـك قلبي في هــواهاعـــصانـــي
قـــلــبـــي يــــقـــــــول الـحـب لله دره = وعـقلي يقول الحب ذل وهـــــــواني
قلبي يفـزو يـصطفق في مــــقــره = لولا يضبنه ضــلـــــوعـــاً مــــتانـــــي
كنك بعـــســــرات اللـــوالــب تــفــرّه = فر المحال اللي تـــجــــره ســـــواني
كم ليلة نعـد نـجـــــم الــــمــــجـــــره = الياما عمود الصبح عمّد وبانــي
لـــومــالــنـــا لازم طــريقـه نـــمـــره = وكم نوبةً لديارهم جيت عانــــي
واليوم تبت وقلت للحب بّــــــــــره = روحي وشوفي غيرنا مودمـــاني

هذه مساجله مناقضه بيني وبين الشاعر لافي مسند السلمي
هو يقول في احد ردوده علي للبنات لاتاخذن الا الشيبان
وقلت انا بصف الشباب اضنهم مستحين منك فاقلت

يالترف ياللي تكحل الرمش والعين = يــالــعــاقــلــه يــالــفــاهــمـــه يـالــفــطــيــنــه
اليـوم وصلتـي مــن العـمـر عشـريـن = والـعـــبــد لازم يـكـتـمـل نــصــف ديــنــه
انصحـك كـانـك للنصيـحـه تطيعـيـن = نـصــيــحــة لـــــــو بـالــثــمــن تـشـــتـريــنــه
حـــذراك شـمـطـان الـلـحـا لاتغلـطـيـن = لـــــــو يــمــدحـــون الـــعــــود لأتـقـربــيــنــه
لـوهـوشـجـاع ومـاضـيــا لــــه بـراهــيــن = ولاّ زمــــــان الـــعـــود واقـــفـــت سـنـيــنــه
عـقــب الـعـشـا يـنــام مـــع المسـاكـيـن = ويــســهــرك بـالـقــحــه وكـــثـــرة ونــيــنـــه
الــعــود لــــو يــدفــع سـيـاقــك مـلايــيــن = الــــمــــال مــايــســعــد قــلـــوبـــا حــزيـــنـــه
ردي مـــراســـيـــلــــه ولا تــســتــخــيــريـــن = والله عـــلـــى بـــاقـــي سـنـيــنــه يـعــيــنــه
كـانـك عــن التـاريـخ مـنـتـي بـتـدريـن = شـوفـي وشـلـي قــال شـاعـــــــــر جهـيـنـه
مالـك ومــال مخظرمـاًعـاش جـيلـيـن = مـــرّ الـزمــــــن لـــه طـــبـعـةً فـــي جــبـيـنـه

هذه القصيده وصف بعض احوال بعض الشباب وتقليعاتهم هداهم الله الى الحق


قــال البشـيـر ابـشـر واريــد الـبـشـاره = بــغــلــيــمً وســــيــــم مــافـــيـــه زيـــــــــه
قـــــال الأبـــــو بـشـرتـنــي بـالـخـســاره = يـالـيـتــهــا جـــابــــت بـــدالــــه بــنـــيـــه
الــبــنــت مــــــن داري نـــزفـــه لــــــداره = تــــــــروح مــاجـــابـــت لــبــوهــاالاذيـــه
ولاخــــطـــــو ولـــــــــد يـــاعـــلـــه وداره = لــبـــوه جـــــاب الـمـخــزيــه والـــرديـــه
يــانــاس ذا جــيــلاً تــحـــول مــســـاره =مـــاهـــو بـــيـــم سـلــومــنــا الاولـــيــــه
كـيـف النـشـأمـا يـاخــذه فـــي يـســاره = مــاهـــاب قــولـــة عــيـــب ولا زريــــــه
بـالـلــيــل ســـهـــرانً ويـــرقـــد نـــهـــاره =كــــب الــصــلاة وكــــب ســنــة نـبــيــه
لــو يختـبـر بـالـديـن صـفــر اخـتـبـاره = مـسـلــم ولاكـــــن مـسـلـمــاً بـالـهـويــه
يــومــه ســبــات ولـيـلـتـه لــيــل فــــاره = صـــــارت حــيــاتــه كــلــهــا شـقـلـبـيــه
ليـانـام لــو تـشـعـل بخـشـمـه سـقــاره = كــنــه مــــع الامــــوات مــابــه نـسـيــه
وصــل الـرحـم عـنـده قـلـيـل اعـتـبـاره = وعـلــى الـقـرايـب مـايـعـرف الـحـمـيـه
الـي انتمـاه لـمـن سـكـن مـعـه حــاره = عـلــى ولــــد عــمــه يـسـاعــد خــويــه
يحسب(ن) لبس الجنز فن وحضاره = مـــايـــدري انــــــه تـايـه(ن)بـضـحـويـه
والـــى لـبــس لـــه ثــــوب دلــــع زراره = وظـــافـــره تـــقـــل مــخــالـــب حـــديــــه
ومـشـط قـرونــه لـيــن غـطــت فـقــاره = ماتفـرقـه عــن زول خـطـو الـرضـيـه

من قصائدي بالقهوه

ياوي فـنـجالٍ اعــملته ايـديــــه بيدي مبهرها وحمسة مزاجـــــــي
لاهــي بحرقانـه ولاهـي بنـيـه = دم الغزال اليانقطع عرق تاجــــــــي
من وارد الخولان والا حــــبشيه=وعاذيه عن تشريبة من هماجــــي
سلما لجـــداني وانا طبع ليـه = نشريه لو قل الذهب والخراجــــي
يستاهله راع اليديـــــن النديــه=ذباح حيل الضان طلق الحجاجــــي
ويستاهله حام الدبـش والرعيه= اللي عن الموت الحمر مايجاجي
ويستاهـــله دمــــــاح زلة خويه =يصبر ولو فيها عليه انعواجــــــــي
والا البقيــــه كيفه بالبقيــــــــه = التــول واللي بالمطابيخ لاجــــــي
يقلط على سور اللحم والشويه =ون هف دخاناً قـفـاه العجاجـي
لـوهـــوقـريـبـك لاتــعــده دنيــه = الكثر ماعز الرخم والدجاجــــي
-------------------------------------------------------------
مدح قبيلتي ولد سليمان
وسلطان احد ابنائي
سلطان شب النار وادن المهاديف=اللي صنعهن ماهر الصنع رسلان
صايغهن الرسلان ماصاغهاالسيف=ثلاثة مع نجرهن عقب جدان
احمس ودق ولاتهاب المصاريف=واخترلها من منتجه واد خولان
نشريه لو زادة علينا التكاليف=ورزاقنا ربً فرض خمس الاركان
فنجالها يقطع ظرم راعي الكيف=بالهيل والمسمار مع وارد ايران
ونبي نوصف كاملين التواصيف=اهل الفعايل والجمايل والاحسان
ربعي علم معروف منغيرتعريف=ربعي احمول الخيل خلفةسليمان
يومنها في دور غزو مناكيف=بين القبايل لابتي شانهم شان
اللي غزاء لديارهم يرجع معيف=عاف الطمع واقفا معيفاً وخسران
عقيدهم رجع كثير التحاسيف=ويقول ياليت الذي كان ماكان
عاداتهم منزال قفراً الياخيف=مدلهين الخور حلوات الالبان
اللابه اللي بالقا تاخذ النيف=كسابة الناموس في يوم الاكوان
وقصيريم محشوم مايلحقه حيف=رميح عن باق التماثيل كفان
اهل الرباع اللي بها يفرح الضيف=عقب هلا يقلط على قرح الضان
يتلون شيخاً منزله بالاطاريف=شيوخاً قدام وذكرهم بالفخر زان
اخوان ذكرمروية مرهف السيف=زيزوم قوم تنتسب في سليمان
والحمدلله جت على الشف و الكيف=ابن سعود محصنً كل الاوطان

	يـاعـيـال يـاللــي مــنـتـويـن الـمـراحـيـل ,,,,,,,,,,,,,,,,,,,,, تـريـضـولـي لـيـن اجـهـز حـوالـــــــي ساعـــة زمــان اجـهـز الـعـفـش واشـيـل ,,,,,,,,,,,,,,,,,,, بـارود صـيـد وعــزبــتـي والـدلالــــــي بــرفــقــة اثـنـيـنٍا كـلـبـوهـم مـشـــاكـيـل ,,,,,,,,,,,,,,,,,, مـــعـــربــيــن الســــاس جــداً وخــالــي وســاع الـصـدور ولاعـلـيـهـم مــداخـيـل ,,,,,,,,,,,,,,,,, مـظـمـون مــعــهـم مــايــبـيـن خــمـالــي هـم مـتـعـب الـقـطـنـان قـرم الرجـاجـيـل ,,,,,,,,,,,,,,,,,,,, وبـو فـهـد يـســوى كــثـيـر الـعــيـالــي وانا بـعـد يامـســنـدي طـبـعــــي حـلـيـل ,,,,,,,,,,,,,,,,,, تـرا عـلـى مـاقـيـل صـــدري شــمـالـــي ادمـح خـطاء الصـاحب ولو صار به ميـل ,,,,,,,,,,,,,,,,, ون بـانـت الـجـفـوه طــريـقــي لـحـالـــي نـبـي الـديـار اللـي بـهـا يـذكـــر الســيـل ,,,,,,,,,,,,,,,,,, داراٍ بــهــايــرتــاح قـــلـبـي وبـالــــــي قـــفـريــةً مــايسـرحــونــه هـــل الـحـيـل ,,,,,,,,,,,,,,,,,, مـايـاصـلـونــه مـبـعـديــن الــمـــفــالـــي وســمـيـة فـيـهـا الارانـــب مــــــداحــيـل ,,,,,,,,,,,,,,,,,عــقــب الـنـدى تــشـوف اثرهـا تـلالـــــي قــفــرا بـهـا لـبـرق الـحـبـاري مــداهـيـل ,,,,,,,,,,,,,,, عــقـب الـمـطـر يـذكـر عـلـيـهـا خـيـالــــي الـصـــبـح مــقــنـاصــاً الــى حــزة الـيـل ,,,,,,,,,,,,,,,,, نـطـــرد لـنـا جـولاُ مـــع الصبح جـالــي وتـواقــعــن بـيـن الـدعـث والـغـرامـيـل ,,,,,,,,,,,,,,,,,,,, يـوم الــولـــي كــتـب لـهـن الـزوالــي وفـرعـت حـراً لــه مــن اول مــفـاعـيـل ,,,,,,,,,,,,,,,,,,, طـيـر الـسـعـد فـي كـثـرهـن مـايـبـالـي والــحــر طـار وحـول الخـرب تـحـويـل ,,,,,,,,,,,,,,, شـره عـلـى الخـرب الـعـنـيـد الــمــوالـــي سـعـران ســــوّى بـالـحـبـاري تـهـاويــل ,,,,,,,,,,,,,,,,,, صـيـده اجــزال ولايــصــيـد الـهـزالـي وبــو فــهــد يــعــد مــاصـــاد ويـشــيـل ,,,,,,,,,,,,,,,,,,, عـشـرة حـبـاري عـدهـن بـالـكــمـالــي ونـجـمـع حطبنا قـبـل مـا يــخــتـم الـيـل ,,,,,,,,,,,,,,,,هـشـايـمـاً عـــرقــه لــه ســنـيـن بــالــــي ومـتعب شـعـم ناره وجاب الـمـعـامـيـل ,,,,,,,,,,,,,,,وفــوّح وشــربـهـن قــراحــاً زلالـــــــــــي وســوّى لـنـا فـنـجـال يـفــوح بالـهـيـل ,,,,,,,,,,,, والـبـن مــن خــولان لــــوكان غــالــــــــــي وعـقـب الـعشـا يـحـيـن وقـت التعاليـل ,,,,,,,,,,,,وســــوالــفــاّ مـــافــيــه قــيــلاً وقــــالـــــي يــاعـنـك مـاتـطـري عـلـيـك الـولاويـل ,,,,,,,,,,,,,, مـرتـاح مـبـســوطـاً مــن الــهــم ســــالــي

الشاعر القدير / طالب الونيس وهل يخفى القمر ؟ شاعر مبدع متمكن ومحترف لك جل شكري وتقديري على هذا المجهود الأكثر من رائع دمت ودامت أيامكـ بالخير والمسرات ودمت شاعراً متألقاً ..... وننظر جديدك .... لاهنت .