ديوان الشاعر/عبد الله الزيد البجيدي

كم مهرة تسأل من يعيش همي =كم عانس (ن) عانت كلام وبهاذيل
تقول شف حالي يبه (خي) عمي =يا من بقى من عزوتي من رجاجيل
تكفون ربعي يا هل (آه يا امي) =ماحد يحس بحالتي تالي الليل
واكتمك أيا حزني وأمسح بكمي =دمع تحدر من عيوني كما السيل
طال انتظاري واحترق كل دمي =خطر على أصير مثل المهابيل
وأنا اتخيل فارس أحلام يمي =يجي ويا خذني على صهوة الخيل
أبيه ينسيني مع الوقت غمي=أبي يسامرني بليل التعاليل
وإذا طلبته حاجة قال سمي =ياقف معي وقت الرخا والغرابيل
أبي يجيب الورد ويقول شمي =أنتي أميره ما يكفيك تدليل
أبيه همه ما يرى يوم همي =أبي ادموعه عند همي هماليل
وأبي طفل يوله على وقت ضمي =أبي طفل يشعل حياتي قناديل
يجر ثوبي ويتشعمط بكمي =ولا غبت عن عينه يدن المواويل
وصحيت من حلمي على شق فمي =فمي تشقق والسبب غربة الليل

أهداء الى سيدي صاحب السمو الملكي بمناسبة وصوله الى ارض الوطن سالماً

بكيت ياسلطان من فرحتـي فيـك=واستبشر الشعب بسلامة وصولك
ولو مانت غالي مانزل دمع مغليك=عسى العيون الحاسده ماتطولـك
تدري وش الي يجعل الشعب يفديك=ان الشاهمه فيك وأول افعولك
تمسح على روس الليتامى بياديك=وتبكي إلا من( الغلابـا) بكولـك
ولولا الشهامه ما عجوز(ن) تبكيك=ب(فريقيا) يامير ماهـي بحولـك
وسئلت عنهاقالو الجوع في ذيـك=وارسلت تنقذهم وهـم ماشكولـك
وتشوش لا من الرجال أنتخت فيك=تفزع لهم حتـى ولـو ماعنولـك
اتلومنى يامير فـي حبنـا ليـك=وفيت مع شعبك وشعبـك وفولـك
(ومليكنا) الي فرحته غيرنا فيـك=(فك المساجين) بسلامة وصولـك
ومن حب شعبك كل ما حل طاريك=( مدو)( اياديهم) وثم(ن) دعولـك

E]

ماني من الي لاقسى الوقت يحتال=ولاني بعد مثلك خلي الرجوله
ولاني من الي يندفع خلف الأزوال=ولاطار شال من الهوا صار حوله
وكان احترامي لك يخليك تختال=عبدالله من الي يبرهن فعوله
نفسه عزيزه ماوطى درب ألانذال=العب بعيد هناك لا ما تطوله
عاملتك بخوه وجاوبت بخبال=مايستشك الا الردي وانت غوله
وانا رجل لا قالت الناس رجال=ولاجت تحدي غير اجيب البطوله
شاعر وابلعب لك على كل موال=لاني ولد ليث(ن) يحسب لقوله
يفهم ويترفع عن القيل والقال=ويلعب مع المخطي ثمانين جوله
وقصيدتك رديتها فيك بالحال=حامض عليك الود مني تنوله
هيا فهمت القول ياطيب الفال=والا نعيد الهرج يابن الحموله
ولا تبعده عنك اذا قلت أن أل=ذي فلسفة شاعر حروفه خجوله

صح لسانك اخوي الغالي عبدالله الزيد على ماقدمته من أبيات في قمة الروعة

يشرفني ويسعدني المرور بمتصفحك

لاهنتي يالغلا،،،

الف شكر
لك اخوي
فرج
وألأخ ألأطرق
,ألأخ عبدالكريم
وجميع من ساهم بهذى العمل
وأنشاء الله نتشرف بخدمتكم بأفراحكم
اخوكم الصغير
عبدالله زيد
ودي وتقديري

الا يازمانـي ليـه الا نـذال غايبـه=ووقت الرخى كلـن يبـرك ركايبـه
لنا الله ياوقت به الصيت للـردي=واشوف العزيـز يحاربونـه قرايبـه
واشوف الردي لو يشكي البرد بالشتا=يقولـون جانـا الحـر زادت لهايبـه
ولو يشكي من البرد في جمرة الغضى=يقولون ثلج ولونـه احمـر وصايبـه
واشوف الخبل لوهو خبل بس مركزه=يخليـه كامـل والبشـر ماتعايـبـه
واشوف الحسد بقلوب من حكها الحسد=تحاول تغيضك بـس الافعـال خايبـه

ثارت براكين المشاعر عليه=تبي توصف صادق الود لانسان
شخص عزيز وعزوته وايليه=ومن السعود الي لها عندنا شان
مفروض حبه فرض ماهو بيديه=لو مهو أمير اخلاقه اخلاق سلطان
فيه الكرم والطيب فيه الحميه=فيه المثل ينقال يافزعت افلان
ويوم(ن) كلن يفتخر في خويه=اناافتخر في خوت الطير حوران
عبدالعزيزأبن الرجال الأبيه=ابن جلوي والجدتركي كحيلان
لاجيت يمه قام قومه قويه=ولاصرت غايب مايخليك نسيان
على الخوي مايعرف العنجهيه=رجل تعلم من صناديد شجعان
لديارهم تاخذهم الغايريه=وقت القا مع اول الجيش فرسان
حكامناالي ياردون المنيه=والي يتعرض لرضهم حيل ندمان
يالله ياربي أله البريه=تحفض وطنا مانبي غيره اوطان

عبدالله الزيد البجيدي

ياصاح يامصباح يارمس ألارماح=عساك ماتقـرب سهـوم المنيـه
الا بعد عمرا طويل(ن) ومرتـاح=في طاعـت الله ياعزيز(ن)عليـه
مدري زهمت القلب ولا لكـم راح=وامنتـك القلـب المعنـى هديـه
ياعـود ياكنبـود يـاورد فـواح=القلـب عيـى لا يفـارق خويـه
الله يبيحك كنت صـادق ومـزاح=كـذى كـذى مانرخصك يانقيـه
وعسى حياتك كلها افراح بافراح=لين التقي بـك بالحيـاة الهنيـه
فيني هقاوي والصبر عندي اسلاح=عطيـة مـن عنـد رب البريـه
خذها وعد ماحب غيرك ولابـاح=كنين قلبـي غيـر لـك يابنيـه

عبدالله الزيد البجيدي

جتني رساله وارده بالتلفون=من شخص غالي سيلت لي دموعي
مضمونها بيت من الشعر موزون=صدره على وزن اون وعجزه على اوعي
يشره على فراقى حبايب يقفون = وناس تمنىوصلهم والرجوعي
يبي عساهم بالمحبه يحسون =كنه يقول ان الدقيقه اسبوعي
من شخص مابيعه ومهمايقولون=متربع بين الحشى والضلوعي
واخفي دموعن من فراقه يسيلون=واحاول انسى بس ماهو بطوعي
ملعون ابوالشيطان ملعون ملعون =خلى صفاتي من حنون القطوعي
وش فايدت دنياك من دون مضنون=ترخص على شانه جميع الربوعي
تدرون وش هاالبيت ياناس تدرون= الي دخل قلبي وغير طبوعي
هذى هو البيت الذي حرك شجون= كلي وضوى لاتلاقي شموعي
فكرت بالدنيا بلياك وشلون=وفي ساعة التفكير هلت دموعي

شعر/ عبدالله الزيد البجيدي

http://mdyf.net/vb/showthread.php?t=7469

أنا أشهد أن الحب بالعمر مره =وكذاب من قال أنه يحب ثنتين
ولا زال حبك باقي في مقـره =ولا يمكن أبدلك في ناس ثانين
من برنـا بالحـب لازم نبـره =ولا نقارن به جميع المزاييـن
لا ياشبيه الورد من شم سَـره =يقول دهن العود ياريحت الزين
يالـي جمالـك مايحاليـه دره =أنتي مليحه وافعلي ماتريديـن
أذوب أنا لأاجيت لمـي تشـره =واصيح لاشفتك أقبالي تصيحين
نبي نعيش الوقت حلوه ومـره =عيشي معاي الوقت لا تستشكين

عبدالله الزيد البجيدي