ذكرى وأشتياق \ديوان ابراهيم حرير العنزي

الفرح بالنظيم وعم فرحه شمـــــــــــــــال = اتجه للحفر بالشرق الاقصى شمـالي
لين وصل الكويت ومنها وجه ومــــــــال = للمنامه تروح كنه صـاده اجفـــــالي
الفرح يافرحنا صرت حد الكمــــــــــــال = يوم نجمة عربـنا عانـقت للهـــــلالي
ارتفع بالنسب والاصل تمم وطـــــــــــال = منبع الخير يسقي من عيـون الزلالي
من تمسك بدينه تم حلمه ونــــــــــــــــال = نال خير المتاع والطعـم صار حالي
شاف تلك الغزال وزاهي بالــــــــــــدلال = يوم صار ايتمختـر كن ماله مثـــالي
هذا وقت السعد واليوم يوم احتفــــــــــال = فرحت العمر نادت للمـنصه تعـــالي
يافخرنا بفرحنا باختنا اخت الرجــــــــال = صانت البيت مـن قال وقـيل وقـــالي
تبني اركان الاسره من حلال لحـــــــلال = بارك الله وارزقهـم بـزين العيـــــالي
شمعة البيت تضوي زاد زينه جمـــــــال = والامـل لاتبسم صار كبـر الجبــالي
فتح الورد وانعشبه لصدر الشمــــــــــال = تم كل الفـرح باليــــــــوم هـذا وتالي
وبالختام التهاني ماتعرف المحـــــــــــال = تبتـرم بالرشى طافت سريع الحبالي
للمعاريس والا الهم ماله مجـــــــــــــــال = ياالله تمـمم فرحهـم يا عظيم الجلالي

تسلم لناالبحرين أرض البطولات=ويسلم مليك بالسياسة حماها
حمد حمد وقت الليالي الصعيبات=يحمي لناالبحرين يفدي ثراها
شجاعة القايد لها رمز واثبات =اسس بها القوات بيده بناها
في ساحة الميدان للعز رايات= بالتضحية للدار غزت لواها
ولي عهده له مبادي سياسات =الكاسب اللي بالتسامح خذاها
وخليفة الباني وقاد الوزارات =وصارت بلاد الخيرعالي بناها
شوف التطورماشي بالحسابات= مخطط عشرين عام معاها
يماشي الواقع بعلم ودراسات = ومافيه ثغرة بالدراسة نساها
ياالله ياعالي ورب السماوات= تحمي بلاد العز مما بلاها
من حرك الفتنه له اللعن بالذات=وبالسيف والقانون هذادواها
وبفضل ربي جت عليناسلامات=وعادت لناالبحرين وأزهرنماها

يابو مشعل


هذه القصيده ترحيبيه بالاخ محمد ثنيان الرويلي

يابو مشعل ضيفنا اللي ناطرينـــــه = وصل اليوم ونبي منكم اجـــازه
واجب الضيفان وانتم عارفينـــــــه = لازم اناديه مـــن أي عــــــــازه
من يقوم ابواجبه ربي يعينــــــــــه = يقضي الحاجات ويسهل اعتيازه
ومن لفانا ضيف لو هو سفــــــينـه = انختمله مرحبا فـوق ابجــــوازه
وضيفنا معروف ربعه خابرينــــه = ابو خالد السهــــــم الطيب حـازه
من هل العليا عسى تسلم يميـــــنه = وايلي دوم يشعـر باعتـــــــزازه
ابرك الساعات والمجلس يازينـــه = يوم شفنا الضيـف مركي باللهازه
من ايحول عند ربعه خادمــــــينه = لين ينــــوي للسفر صفط جهـازه
سامحونا عن قصور شايفيـــــــنه = وانتـــــشرف من عرفناه اجهـازه
الجهاز اللي استفدنا من رطيــــنه = ايقرب الاخوان وتزول الـحـزازه
الجنوبي والشمالي له عوينــــــــه = مايفيد الشخص بعده وانحيــــازه
من يفرق ربعنا زيدوا دفـــــينـــه = مانبي المنبوذ شيلـــــــوه بجنازه

امواج البحر


هذه القصيدة مهداه للاخ عذال الشمري بمناسبة زواج ابنائه ناصر وعبدالله

ياامواج البحر فيه الموج نـــــــاب =ايتعدى وباقي الامـــــــــواج ثابت
عانق الافراح بالعز السحــــــــاب= والزهر اصبح على الشطئان نابت
اقطفن بالورد لخيـار الشبــــــــاب= وصلنه قبل نـور الشمس غابـــت
لناصر وعبدالله باســــــرع كتاب =عيال عذال الخوي بلعـــون جابت
ساسهم معروف باجـــلال واداب =شمر الشجعان منها القـــوم هابت
السناعيس الطنايا اهل الركــــاب =واعني منهم بالذكر هم فخد ثابت
الفخر والعز بانيله اطنــــــــــاب= ومن لفاهم طاب والاحوال طابت
واليوم اليوم كل جاء واصــــاب =الهدف وا ترك الاوهام خابـــــت
بين عصفات الرعد بين الهضاب =الجبـل ماهـزه الايــــــــام صامت
نجمتين بين والغيم ذاب وذابــــت=وذابت اقلوب الشباب وحيل ذابت
صابرة بالبعد واشواق وغيـــــاب =التلاقي طاب والاجـراح طابـــت
جمعت بين الاهل مافي عتـــــاب =والعلوم الماضية الحــــين غـابت
نورت دولة قطر بام القـــــــهاب =والشوارع نـــورت ما حي سابت
دقدقت بالفرح فيــــــها بـاب باب =ومن تاخرغاب عنـه الربع نابت
وبالختام اسالـك ياربي الثــــواب =ومن حسدهم ياالله ان يمناه عابت

تحية من البحرين


هذه القصيدة مهداه الى الشاعر الكبير
شباط بن عبدالرحمن الظفيري شاعر الظفيري
تحية من البحرين

تحيه مـــن البحرين باحلى أعذوقها =تهيـــضها المشاعر تزايد شوقها
مشاعر التقـــدير والطيب والـــوفى = مـــرن تـماشيها ومـــرن تعـــــــوقها
ولهدت الاشواق وأرخت بمشــــــيها = قام الحين بـكل قــــــوة يسوقـــها
لدارالظفيري يكرم الضيف والخوي= قبيلة بالجــــود نابت عــــروقهـا
وليالفيت شباط رحب وهــــــــلا = بوجه بشوش وصدق في منطوقها
بحــــــــــر في الشعر ببيات جزله= أبيات شعره صعب أحـــــد يفوقها
أمعاصر الجيلين قرم مخضــــــــــر= عايش الحياة وشاف كامل فروقـها
عايش حياة البدو والعسر والرخى = يوم بها البدوان تسرح بنـــــــوقها
حياة بسيطه ونفس الوقت عســــره = على اللي ماعرف يمشي بسوقـها
وشاف التطور من سمات الحضارة= تأخذ ضرايبها على من يذوقها
يدفع حسابه ملتزم ما تــــــــراجع = يضيع فيها الحر دامــه صدوقها
يالله نسالك العــــــــــــفو والستيرة = يوم الحساب ويوم يـوقف خفوقها

زايد حنيني

يابو هدية كم زايد حنيني= مشتاق ليام انا وانت ورعان
كنا صغار بدارنا مهتنيني =ولا حسبنا احساب لفلان وفلان
واليوم صارت ذكريات السنيني= تهيضت بين المشاعر بالاحزان
صارت ترجعني يسار ويميني =ياما استقرت بين ربعي وبدوان
بدو ليا طبوا الصحاري تزيني= تزهر بهم كل الخباري وريضان
ريحت زهرها تنعش السارحيني =وطير السعد غنى بها كل الالحان
رد الصدى صوت الغماري الحسيني=وصوت البهم ردد مع الفجر لابان
حلم مضى والا حقيقة يقيني =لمحة بصرراحت مع تلك الاحيان
في دفتر الماضي تقول احفظيني =ييام حطيني سجل وعنوان
مافادنا كل الوله والانيني =تسرق ايام اعمارنا بكل الاركان
لو مابغينا كلنا سايريني= وحلامنا صارت سوالف ونسيان

همس القوافي

همس القوافي تنعش القلب لاضاق = قلبي اليامن طوقتله أضلوعي
والفكر من غيبوبته من زمن فاق = وجاني يرد الذاكرة لي فزوعي
الياظلمت نور الصحاري بالاحداق = ولعت في درب المبادي أشموعي
ولاهمني من كان بالدرب عشاق = وخبز الفقر يكفي على سد جوعي
ودرب السناعة لو غدى للبشر شاق =امشي معه لو كنت ماني سنوعي
وغير السراحة باقي الكذب مالاق = يبداء مجامل ويتفرع افروعي
وأمر مر مر في لحظة افراق = يمر فوق الكبد ثم يموعي
نصح المناصح لوغدىضرب بطراق= أخير من يضحك علية أربوعي
يعارفين الوضع لفوه بارواق= كشف المساتر مايجمع اجموعي
واصعب صعب صدت رفيقك الياهاق=هاقيبك الفزعة وصد الجموعي
واليد مافيها عصا ولانت تفاك = ماغير صيحة من وراها ادموعي

سيارتي

سيارتي لاشافت الفــــــلـــس راحـــــــت = ادور الكـراج ابموقعة وين ماكان
اليامسكت ابــريك بالـــــــدرب ماحــــت = كانـها ترقـص على حلــو الالحان
واذا براغيــها على الـــــــدرب طاحــت = ارجــع وادورها وانـا دوم زعلان
ردت عليـــه وبالتعـــــــبير باحــــــــــت = توصفـلي الحاله ولـو مالها السـان
تقول مثـــلي لاحشـــــــى ما استـراحت = ويليت رعيي على الشغل رضيان
والله يلو ماقالـــوا النــــــاس صاحـــــت = لاشق ثوبي واظهر السيت عريـان
وانـــــوح مثــل اللي على الرجـم ناحت = من القهر والضيم شفتـه باللـــــوان
مكينتي من وسطـــــها النـــار فاحـــــت = وراديتري دايم على الدوم عطشان
وزيوتي اللي مــن سنـــــة مستـــزاحت = من كثر ماتقلب تقل مصل واسيان
وتوايري مــــن جنبـها اسيــــام لاحــت = واتيـوبها من كل الاجناب ينبــــان
واصباغي من الشمس والضغط ساحت = قام الحديد وقام من فـــوقة ادهــان
من كثر مااهملني يقولون داحــــــــــت = وبديي امحمل بالوصاخة وتــربان
وتوايري جنب الرصيفات زاحــــــــت = خلص معي البترول والاخ طفران
ومع الاسف كل القوانين اباحـــــــــت = انه ايتحكم بي مثل هـــــذا الانسان

احن لانفنـف هبـوب الشمالـي=ابفجر الندى لافتحت فيه الازهار
اطبيعة لااصـار توجـد اقبالـي= تلقى النفل تلقى البختري ونـوار
وغير الطبيعة شوف عمي وخالي = ابمجالس تلقى بها خوش مسيـار
وترتاح من لوعات سمر الليالـي = وتنسى هموم داخل القلب قنطـار
لون الطبيعـة مايفـارق خيالـي= ماانساه واذكر يوم كنا به اصغار
وعن البداوه طال بـي انعزالـي = ولوهي بكيفي ماتعديـت شنشـار
ابمنـازل تعجبـك ياهممـلالـي = وتلقى الرفاقة بكل الاوقات حضار

العسكرية

العسكرية من طلعنا اجنودها =وجميع الاعداءعن بلدنا نذوها
واهني من يطلع من الجيش دايم = سالم قواه وكل روضه يرودها
يسرح ويمرح بالرياض الوسيعة= يعوض ليال ماضيه يعودها
نسايم الريضان والعشب والزهر= ريح الخزامي زاد ريح عودها
في داخل الخيرات مرتاح باله = خيرات من ربه تزايد بزودها
عقب الاوامرجاهزدوم حاضر= لاصارت الهيجا وحشد حشودها
ليانخوا على الصعيبات يدهر = ايخلي السفلى ويصعد سنودها
لاشاف بانت بالدهركامن الخطر= وقت الرجال اللي قوي زنودها
حربي ليا صارت امور يحلها= يفلل القاله ويربط قيودها
داخل بيته بالقرارات حازم = لازم عياله تحتفظ في بنودها
قاسي ولايسمح خطا بالفهايم = جميع الا سره بالاوامر يقودها
اقعد تحرك واسمع ونفذ الامر = لقال كلمه مايناقش ردودها
طبق بها القانون حتى القسايم = كامل بنودها واضحه في شهودها
وليا قعد بالبيت ايقابل الصور= من عقب ماجنبه تحلل فرودها
يقوم يمشي حين يفكر ويقعد = راحت حياته مانفود بفودها
يوم يتذكر بالليالي القدايمة =من عقب ماراحت ليال تحودها
الحلم ماينفع كثير الحلايم = مايمتلك قصر بنا في رقودها
حذراء من الدنيا تراها مخادعه= قبيحه لوهي اتجمل اخدودها
تغر من يجهل وما أمعن النظر = ايامها البيض تقلب بسودها
مافيه مخلوق على الارض دايم = بين الكثايب ينخر العظم دودها
نهايه الانسان يطويبه الدهر = تنهي حياته مستحيل يعودها
طوبي لمن ادى صلاته وزكى = صام وتنفل بالعطايا يزودها
حج وتصدق واكتسب كل غانمة=صادق ولايوم انحسب من حسودها
الحق قاله ماخشى لوم لايم = لوه على نفسه يطبق عدودها
وصلاة ربي عد حجاج بالحرم = واعداد ماصب المطرمن رعودها
على النبي ذكره يشد العزايم= للروضةاللي ياجعلنا من ورودها