ذكرى وأشتياق \ديوان ابراهيم حرير العنزي

هذه القصيد عندما قال احد الاشخاص اذا مافازت حرمة بالانتخابات مصيبة

المصايب تقترب منك واتصيب = ياللي اعتبرت ان الخسارة مصيبة
خصارة الخفرات عيب وتعاجيــــــب = وفوز الرجال ابمــــجتمــعناغريبة
اللي محافظ صار بالراي تـعصــــيب = واللي تمـــرد للمبادي نــــثــــيــبة
دين المحبة هذب النـاس تهــــــــذيـب = فيه العــــــــــزة لازم نقـــتديبــة
خذ اتجاهك صوب الاهداف تصويب = طريق واضــــح دون شك وريبـة
لكن امثالك جنب الدرب تجــــــــنيب = وطبايـــع العربــان صارت معيبة
اهل الشجاعة والكرم منقع الطيـــب = حماية الاوطـــــان حين العصيــبة
ارجال واحدهم فطين كما الذيـــــــب = يامر وينهي والمراجل تعيـــــبـــة
والاانت دايم بالمرجل تبي اتغـــــيب = بين الحــــريم بين العفــن طيــبــة
شارب خلاق الغرب يالشين تشريب = وطبع الاجانب يالمقلــــد تجيـــــبة
مدرب اميدانهم كــــــــــــــل تدريب = واخذتهم قــــــــدوة وطعت الحبيبة
حنا اذا اطعنا الحريم نبي انخيـــــب = لوهي ادرست كل العــلوم وطبيبة
احسنهن اللي اترتب البيت ترتيـــب = ولرب الاسرة دوم عنــــــده قريبة
اتحافظ علية اليالفى وحين مايغيــب = ووليدها في حاجــــــة تعــتنـــيبــة
وامنافس الرجال الاجناب هوالعيب = والبيت استـــر مسكن تختــبـيـبـــة

شغـــل الســـانه مثـــل منشـــــــــــار نار = وحش بالعالم ودمرهم دمـــــار
ياابـــن ادم افطـــن وخـــلك ذهيـــــــــن = ولاثور لك على العالم اغبـــــار
منـــه اكـــل للفطيســـه يشـــــــــتهـــييه = غير ضبع يحفر الجيفه حفـــــار
كيـــف اتـــمشي للعـــالم ماتـــــــبـــــيه = وتتخذ للناس بالسكة مســـــــــار
وتاخـــذ اللي ايتـــمشى مـــع هـــــواك = قرر ابحكمتك ياراعي القــــرار
ومـــن سمع قـــولـــك مــلاك يحتريك = من يشوف لواقعك في كل عـــار
والحقيقة مـــن سمـــع رايـــك يحيــــر = ولاعرفت ادير للحكمة حـــــوار
دايم اتـــغني على مـــــــــــوال كـــان = وكان كان وكان ماكان انهيـــــار
كيف تــــبني لشي مـــن قـبل الخراب = ومابنوا فوق الهواء جـــدران دار
لانسيت اسباب وكلـــت النصــيـــــب = وضربة للحض خطـــرة بانكسار
حصـــن السانــــك ودلـــــــــة يافهيم = طهــر لقلبك وخله دوم حــــــــار
وحاسب لنــــفسك على شي بسيــــط = كل وقت وكل ليل وكل نهـــــــار
من هــــو المــــعصوم فينا من نقول = كامل الاوصاف محشوم الوقــــار
غيــــر سبحانــــه فلا يوجد كمــــال = لــو سترت النقص لابدة اظهــــار
وغيــبة للناس دومــــا شــــي عيب = تــفتح الفايل على لمــــــــحة اشار
كامل تــــقراه ماطوفــــت شيــــــن = ولاسمعت الذكر تشعر بانحشـــــار
ترجع ادقــــق على اخــــر خطــاه = مايـغـيـبـك شي او شي فــــرار
ولالقـــــيته ابمجلس تفـــز ابلقــــاه = ولا تو كل كـن له طلاب ثــــــار
بـــــالقيامة تاتي بيــــوم عسيــــــر = اتحسـف ليت ماهــــو صار صار
ليت من يدري بخطى المسلم يجيه = وينصحه ويوجهه كالمستشــــــار
ولايــــــبــــنله خطــــاه بكل حين = كلمة النـصوح تاتي بختصـــــار
وبالنـــــــهاية ربي ايهدي الجميع = الطريق الحــق واضح كالنهــــــار

جيل مضى والله يستر من الجيل = جيل مع الأيام دايم أمناشبك
لازم تعرف الوضع من غيرتحليل = اما أتعذب بالصبر او يعذبك
ياصاحبي جيل المعازف وتمثيل = أتسايرة والا مع الناس يذهبك
متحول من عدة أجيال الجيل = ان نقص احسابه قعد من يحاسبك
واذا نصحته شاف بالهرج تفشيل = ماهو ضناك اصبح عدون يحاربك
عايش على الحيلات نصب وتدجيل = لو كنت صادق بالعرب هو يكذبك
زود على حمل الدهر حملة أتشيل = ويبعدك عن درب الفخر مايقربك
في ماضي الازمان من دون تسهيل= واليوم في عصر الرخى من يدربك
افنون التطور تقلب المتر بالميل = تلعب على أعقول الخبول و تلاعبك
الفار غير وجهته وانحسب فيل = والذيب نعم صوته وصار يطربك
شبابنا زادوا على الجهل تجهيل = ماباقي الا يا الحبيب بيضربك
يومه صغير أدلله حيل تدليل = واليوم يومنه كبر مايوجبك
واذا حصل للطبع بالناس تبديل = عن طبع أهلنا لازم أنه يجنبك
جيل الفشل كثر المشاكل تهاويل = جابولنا عوايدين ماتناسبك
والوضع يبغي له تشدد وتعديل = والا تحلق لحيتك مع شواربك
هذا هو الواقع غدى ايبيد الحيل = اما أتركب للخطى أو يركبك
الله يصلحهم ويطلع لنا أسهيل = كثر المشكل والمصايب تأدبك
ويطلع لنا من بين الاجيال حلحيل = من صافي الفنجال بيده يشربك

أبراهيم الخدلي بمناسبه زياره الشيخ الادهم بن عبدالعزيز القعشيش لفخذ الخدلات من الخرصة من الفدعان في دولة الكويت حفظة الله
مرحبا بك يابو باسل

مرحبا بك ياابو باسل من وصولك= للكويت اسبشرت بالي لفاها
عند ربعك ضنا ماجد يفرحولك= استبشروا بالخير والباقي معاها
اهل الحرشى بالمجالس فرشولك = قلوبهم للضيف من يومه نواها
للسفر حضرت وتجهز ذلولك =خدمه للربع وتخفف عناها
من فعايل جدكم هذي فعولك=راعي الجوفى رعى الدار وحماها
ومذود بالسيف طوع من نولك = تبعد العدوان ماتقرب حماها
وانت صرت اليوم حيد ويزبنولك = كل ربعك جعلك تحقق مناها
ضاقت الدنيا الوسيعه وانتخولك = تبقى الفزعه وترفع مستواها
نجتمع مع ربعنا محد يطولك = بديره ابن سعود يامحلا هواها
العدل والامن والفله بنولك = وين ماكنا نتفاخر في ولاها
وفيه ناس بدلوا وايحللولك = شوهوا النظرات صارت في عماها
فرقوا بين العرب ماحسبولك =الاخو والام بلشت في ضناها
ان جددت الاوله ماجددولك =سجلولك خارج الحد وراها
الله يجمع شملنا ونصير حولك = موحدين الراي بالجمعه عساها
ربعنا كل المواقف يوقفولك =لانخيت الروم لبت في نداها
اتفازع كلها ثم يتبعولك =في قمام العز تسكن في علاها

--------------------------------------------------------------------------------



ياملهي الرعيان

ياملهي الرعيان لهيت ربـعـــــــــــي = يمضون باقي الليل كلــــه سـهـــارة
اتتابع التلفاز في كل مـقـــــــــــــري = والا اجنبي مع اجنبي في مبــارة
ايجمع الكفار جهـاز فـضـــــــــــــي = واصبح العالم ساكن وســــط حــارة
جمع بلاه وصار للنـاس يـفضــــــي =احفـظ ادروسه وافتــهم للعبـــــارة
انت الهدف تغير ديـني وطبعــي =نقــلد عوايدهم باســـــم الحضـــارة
امرك بكيفك ماحد جالك قصري=جالس معاهــم وانت محض اختيـارة
اتقلب القناة في كل مـلهـــــــــــي =تبحث عن الموضوع وسط الضـبارة
ولاجت صلاة الفجرثم قامت تسري = شغـلك ارقاد ومامسكت الخفـارة
لاهي وساهي والعمر را ح يجـري = مضت حياتك ماشـــــــــــي بالدوارة
والوجه شاحب والمــفاريق تلضـي =الشيب لابين يفيـــــــــــــد الاشـارة
نهاية الانسان والمـوت يفنــــــــــي = امـر مواكــــــــــد رقم كل المـــرارة
واهني من قام الصلتـه امتوضـــي = صلى الفجر وقوم اهله وصــغـــــارة
يطلب لرحمة ربه ومنـه يــــرجي =يغفر ذنوبــه عارف في اســــــــرارة
ولابد من يوم به العمـر يــــمضي =اما كسب والا علينـــا خســــــــــــارة

نعم الزميل


هذه القصيد ة قالها الزميل جمال القلاف

من غيرك يابو خلـيل مافيه بـديــــل = بالحظيرة امــركم دايم مطـاع
انت البطل وانت الشجاع الزميـــــل = وكــل الحظـيرة فيها افــــــاع
والحظاير كلها مهملة وحنا مستحيل = الا حظيرتنا فيها اسود وسباع
والتعاون مستمر بينا وهذا دليــــــل = ومعندنا أي مشـــــكلة ولاافاع
والله يدوم الحب بينهم وقت طــويل = وايخليهم ساكنيـــــــــين الرفاع

وقد رديت علية بهذه القصيدة

يابوخالد ونعــــــم الزمــــيل =نفتخربك يابـــو خالد بالدفـاع
وانت ياالقلاف رجال اصيل = طيبكم معروف مافوقه اقنـاع
بالحظيرة انت عنوان ودليل = حظيرة النار لصـار الصراع
عبد الجبار تسمله صهيــــل = جاي من الميدان نازل بندفاع
يوصل لمنير تسمله عــويل = كنه اسد واقف وســط التلاع
والظفيري هولنا ظل ظليـل = انشر علـــمه بالحظيرة وذاع
وعبدالوهاب لصاده علـيـل = كلنا دونه احصــــــون وقلاع
والتعاون بالحظيرة السبـيل = واخر الكلمات مني لـك وداع

واعز عيني

وعز عيني كان تمشي على القار =اتـــروح تمشي مالقيت لـسيـارة
تروح تحسب وانت تمشي بالامتار =اطوف شارع وتعـدى اشـــــارة
يطوفك اللي ماأنتبهلك وهـــو مار= شاف المسجـل او يولع سجـارة
والا شباب ماتـحجـج بالعـــــــــذار= راجع مع الشلة وكانـوا سهــارة
واذا لبست البدلة وتحت بســطــار =تبي تلحق والــوظيفة خـفـــــــارة
مرك مع الشارع سريع له اغبار=مطرود والالاحقينة بغـارة
ولاشاف زولك قـام واركالها النار = مجنون والا ذابحتــه الصطـارة
من جيب ابوة مـادفع لو دينــار=قصب على الوالدبالامرالادارة
شبابنا ضايع وصـايع ومنهــار=دليع مايع وايحسبـها حضــــارة
الله يهديهم لدرب بـــــه ازهــــــار =طريق واضح مايبله شـطــــارة
درب به العادات والدين مـــعيــار =هـو الاساس لكل خير وطهــارة

بديت قاف

بديت قاف من ضميري مسوية=للشاعر اللي مابحل بالقصيدة
لراعي الحيزى عسى الله يخليه=بسام ابو ايمن رجل وليدة
من يفتخر بتاريخ ربعة وماضيه=انشجعه بالدرب ونشد بيدة
تشابكت شوقي وشوقك بيادية= واستشملت يم الديار البعيدة
ياما تمشينا بروضه ووادية=ونسايم تشفي الامراض العديدة
واجبالها كل الزهر نابت فية=والشيح والقيصوم انواعه عديدة
لوهي بكيفي والله اني ماخلية=لكن ظروف الشخص ماعد بيدة
تمشي بنا الايام للدرب مابية=درب به الغربا ونفس زهيدة
ما ندري عن نهايته وين تالية=وبيوتنا بي الاراضي نشيدة
والارض تقبل كل جسر نسوية =الارض صبخ ولاقويه شديدة
والجو ينشف لاتكاثر ورادية=وتواردة من كل وارد ورديدة
هذا قراح وصافي العين يسقية=وهذاك يشرب فضلته والشريدة
وحنا غرسنا غرس والغرس نرجية=يثمر لنا اثمار انواعه عديدة
نبي انتضلل به بضله ونحمية=نوجه والنصح منا نفيدة
والحر يسكن في جبال بعالية=ويعجبك صيده لتبين هديدة
جيل نجح في كل كلمة وتعنية=واصل مسيرة في ليا لي مجيدة
وجيل ودك باخر القاع ترمية=لانفع نفسه ولابه مفيدة
وليا نخيته نازلات هقاوية=حافظ فريقه مادري بالبديدة
وعادات جده مامسكها وناسية=ماشي مع التيار يرثع بقيدة
الله من وقت تزايد بلاوية=وكل يوم نسمع عن مصياب جديدة
الله يفكك من بقايا توالية=ويحميك ربي من ليال نكيدة
وشبابنا ندعوا من الله يهدية=ووفق اخطاهم بالاعمال السديدة
قصيدة مني للاخوان نهديهة=بشهر رمضان الله علينا يعيدة

ابعث سلامي للاخي مشهور = واضمنه حبي واخلاصي
نسال على حالتك بالفور = يامن كلامه على راسي
اشهد بحق ماهو بالزور = من عقبك البال منحاسي
وان كان حبيبك من وراء اجفور = تحره مصبح ماسي
والله لاجيبه لوه ابمور = وماهمني لومت الناسي