ذكرى وأشتياق \ديوان ابراهيم حرير العنزي

انا بعيـد بمنطقـة مابهـا الارسـال=وحبي مع نبضـات قلبـي يراسلهـا
في ديرة ماينفع الفاكـس والجـوال=ماغيرصورة داخـل القلـب منزلهـا
زاد الحنين وشلتها بالهـواء مـوال=وصار الزمن كـل الليالـي يطولهـا
يرفع قوي الضغط لين استوى شـلال=وباقي شراييـن المشاعـر يسيلهـا
يعبر الهضاب النايفة والوعر واجبال=سيـل ليامـر المراعـي يجفلـهـا
عارف طريقة مايهمه صخر وارمـال=ولازم علـى دار الحبيـب يحولـهـا
صبح عليهم يارسولي وكيف الحـال=والروح من شوف الحبايـب يـبللها
شوف الاحبة يفرح القلب شوف اعيال=وام العيـال الياتـريـح يغازلـهـا
حبيبي انـت حبـي ودايمـا بالبـال=وحبك مع روحـي حبيبـي يعادلهـا
انا شربت الحـب كلـه لهـا بـدلال=وراحت شعور من المحبـة تبادلهـا
ارهن حياتـي كلهـا دايمـا والمـال= ا قـدم الخدمـة واماشـي رحايلهـا
انا وصفت الشوق زايد مـع الامثـال=وزاد امتداده ليـن عانـق سواحلهـا
انطر قدومـك كـل مامـرت الازوال= انظر على طول النظر وين اخايلهـا
صورة حقيقة ثابتـة مابهـا زلـزال=مرسومة فـي داخـل العيـن اظللها

الشعر تعبير لاجاله مجال = وكل شاعر في اسلوبه طوره
والشعر موقف يصادف كل حال =وواجب الشاعر بشعره صور
لازم ياتيك جزل في المقال = وكل مظلم في مكانه نوره
والشعر حكمة وتصويرومثال = ينضرب للي بغاه ودوره
وللشعر لذه ليا قيل ارتجال = ينطقه حاضر حشى مازوره
قطره صافي ومافيه الحثال = وكم بيت من امراحه ثوره
اقبلن زرفات حاديهن اجفال = وحلل المعنى قراه وقوره
وطال شي مالحد غيره يطال = وانفرد به بالمقال وسوره
والقوي من بيت لا نمس الحبال = يرتكي للصعب فوقه كوره

ربعنا راحوا وبـــاقيهم تـــــوالـــي =والـتقاعــد حان وأقبــل ماكتبـنا
ما أخذنا اوسام ولا جندي مـــــثالي = والامـل بــالله عـوضـــنا تعبــنا
خدمة بأخلاص ما فيـها تســــــالي=بالمواقف ثابــتين وما نسحبنـــا
نكسب الارزاق والرزق الحـلالـي =في فجوج الارض بحثنا وطلبنا
من طلوع الشمس لحين الـــزوالي =مرابطين وندخــــــر مما كسبـنا
راحت الايام وسنين أطـــــــــوالي= كبرت الاعيال وأخطاء ارتكبـنا
ما حسبنا حساب لـمشروب زلالي =أيتعـــــكر بالمـــــرار ليا شـربنا
والقيـادة جندت جنــدي بـــــــدالي =وبالتقاعد والوظـيفة ما نغصبنا
والعـــمر محدود تالية الرمـــــالي =وبالحياة اليوم متراقــل خشبـــنا
وكل عشرة تنتهي والعمـــر غالي =تفنى ألاجيال ماشـفنــــا عربنـا
نسال الرحمن ربي نـــعــم والـــي =يغــــفــــر الزلات ويحسن أدبنا

يابو خالد شفلنا حصــــن حصــــــين = نجتمع بـــه وان اراد الله جمعــــنا
نجمع الفيحان اشبال العـــــــــــــرين = يوم شــــتت خطاوينا وضعــــــــنا
راحت الايام مع طول السنيــــــــــن = نتبع الغربى معنا وتتبــــــعــــــــــنا
تشتتنا بالشمال وباليمــيــــــــــــــــن = وضاعت ادروب السناعة مع سنعنا
نبحث الارزاق في الرمل الدفيـــــن =نرجي منه الفود وحنا الفــــــود بعنا
للمعيشه اصبح الواحد رهيــــــــــن = من زود التفكير شبــــنا وانصلعــــنا
مااسترحنا وحنا راحليــــــــــــــــن = شايليــــن غشـــــــــــنا من غير معنا
رايحين مقــبــلـين مقــفــيــــيــن = وليتنا نلـــــقـــــى الاقامة وان رجعنا
لاحنا من اهــــل الوطن مستاطنين = ولامع البدوان جهــــــــــــزنا وشلعنا
طالت الحيـــــــــــــرة والله المعين = وكل رجم نايـــــــــــــف يمه طلعنا
عند بيبان التطور واقــفــيـــــــــن = ومع افــــــــــراد المجتمع حنا درعنا
مجتمع مرضان تسمعله انــــيـــن = لاافتكينا منه ولامنـــــــــه انـتــفعـــنا
انتابع الكافر وله امقلـــــــديــــن = انســـــايـــــــــر التيار شربنا وشبعنا
ولعادات اجــــــــدادنا مستغـربين = مامسكنا الجـــــــــادة وعنــها أندفعنـا
كثرت اللغات وازداد الرطـــــين = واطلعت عادات ماعنها سمـعــــــــنا
يابو خالد مابقى بالصبر شيـــــن = انت مشي الغافــــلــــه وحنا اتبعـــنا
نتبع لشورك على القول الرزيـن = امر وحنا لكم والله واطــعـــنـــــــــا
لانخيت اخوان حمدة حاضريــن = فــــــــزعت العـــــز ليمنا فـــزعــنا
خلفت العود حـــــــــران الفطين = نخدع الضد وحنا ما انخــــدعـــــــنا
نبقى دوم رافعين للجـــبـــيـــــن = ان سلمنا بحكمة وبرزقــــه قــنــعــنا
ابرزق رب البيت حنا راضييين = وعن من العربان من فضــله منعــنا
زادت اشواق المحبه والحنـــين = للديار اللي بها عشـــنا ورتعـــــــــنا
ابهواها البـــــــارد حنا امولعين = وان مشـــــينا بارضها زاد اقـتـنعـنـا
الله يجمع شملنا قولوا امـــــــين =وان جهـــــــزتم قشـــــكم حنا رجعنا

طالت الغربى عليه وابتعد عنـي الطريـق =جالس بين الجماعه جالـس كنـي لحالـي
كني مجهـول الهويـه لابـن ولا صديـق=ضايع بعصر الضياعه لي سنين ولي ليالي
مثل واحد بالهبيه طبهـا واصبـح غريـق=حاول بكل الشجاعه يطلـع ومجـاه والـي
قرب لحوض المنيه غاب لحظـات ويفيـق=يلمح بعينه شعاعه مرت بسـرع الخيالـي
رجعت ذكرى نديه يـوم عايـش بالفريـق=صابر الواحد قناعه وعن هموم الوقت سالي
عايش ابيئـه ابدويـه ايتوضـى بالبريـق=للمرض عنده مناعه وكل ماصـاده حلالـي
صاد للظبي اضحويه هارب بصحراء طليق=صابت الطلقه ادماغه وانخثـع ياهمملالـي
ولع النار القويـه يـوم دم الصيـد ريـق=قلب الجمر ابراعه وشفها ريـح الشمالـي
بارض تربتها طريه وافرع العشب العتيـق=وامتلت بالزهر قاعه والشجر فوق العلالـي
والهواء نسمه عذيه قصب الغافـي يفيـق=واعلن النشاط طاعه والكسل ماله مجالـي
ياالله اجمعنا سويه وتنفرج من عقب ضيق=ياالله انال الشفاعـه ورزقنـا رزق حلالـي

صديقي الربـو ماعنـي تخلـى=ولا في يوم عن وصلـي تعلـى
ملازمني مـن سنيـن ٍ طويلـة=يعود لـو بعـد عنـي وولـى
ما شفت بقربة المثبـور راحـة=أوقات النوم في روحـي تدلـى
بغيت أرتاح في فرقـاه ساعـة=وأحس الضيق عن صدري تجلى
أشم الريح وأشعـر بالسعـادة=هـلال الخيـر بالأفـاق هــلا
عساهـا مـا تعودنـا الليالـي= لـذاك اليـوم يومنـه تـولـى
مرض مزمن وعقدنـي حياتـي=فاجئني فـي هجومـه ويتبـلا
يزاورنـي بـأيـام الرطـوبـة=بأوقات الحر في جنبـي تظلـى
وليا هبـت نسايمهـا البـرودة=يتابعنـي ولا بالـدرب ضــلا
بدون أسباب معروفـة لفانـي=تربع في وسط صـدري وضـلا
يعاني الربو من جـرب عذابـة=تملل مـن حياتـه حيـل ملـى
يحس بضيق في صحراء وسيعة=هواء الريضان ما صدره تملـى
وقف بالصدر يم الباب حـارس=علينا يبـدي شروطـه وملـى
يارب أدعوك يا كافـي وشافـي=تبعدني عن طريقه ويـن حلـى
بفضلك تشفي المرضى جميعـاً=وتشيل الربو من دنيـاي شـلا
وأنسى شي أسمه يـوم ضيقـة=زمانـه مـع مـدى الأيـام زلا

من المنامه جاك اخوك مسير =وماهي غريبه لين اخولك زار
جيت استشيرك والامور تحير=وماخاب منهو مثل شخصك شار
اقلب الافكار ثم اغير =ياكثر ماتبعد علي افكار
وانت الحكيم الي قعد متهير =يبدي برايه لين مثلي حار
اخوي اعرفه دوم فكره نير =وصل الهدف من دون مايحتار
الي ربيت بحبه وانا صغير =وتابع معانا لين صرنا كبار
فيكم صفات انسان صابر خير =انت الحبيب المكرم الخطار
هذي ولاهو ظالم متطير =وان قال قول نفذه بصرار
عساك في حفظ الولي متجير =من الحسد ومقابل الاشرار
وترفل بثوب العافيه ولا تغير=عليكم النعمه وامن الدار

مافادنا قول العـــــــــــــــرب في فلسطين= وين الرجـــــــال اللي تشيـــل الكــــلايف
بالي يصير اليوم والكل داريــــــــــــــــن =في ارض غــــــــــزه ماتلــــــــــفه لفايف
جرايم اباده بـــــــــــكل البــــــــــــراهين= في شعــــــــــب اعزل والسماء له لحايف
وين العرب اللي تحــــــس بمساكيـــــــن= اطفالهم تذبـــــــــــح ولا في حســــــــايف
وين العرب يوم تشوف المسنيـــــــــــــن =وذبح الرجال بطائرات وقــــــــــذائـــــف
وين العرب يبلغ عددهم ملاييــــــــــــــن =والصمت من صوت الصدى صار خايف
وين العرب اللي بعيد وقريـــــبيــــــــــن= عن الحدث والكل بالعيـــــــــــــــن شايف
وين العرب حين اجعلتهم مساجـــــــــين= بارض الصمود وعيشـــــــــــتهم كسايف
وين العرب تسكن قصور وبساتــــــــين= والام في غـــــــــــــــــزه تدور الرغايف
وتوحيد للكلمه على العسر والليـــــــــن= والبعد عن وصف الـــــــــردى والعذايف
اخذ القرار بدون ضغط المعاديـــــــــن= وتنسيق مابين الشعوب والولايـــــــــــــف
امه تجمعها حضاره مع ديـــــــــــــــن =واصل ولغه وايضا تشابـــــــــــه وصايف
النصر دايم للرجال الشريفيــــــــــــــن =وتبقى فعايلهم بيض الصحـــــــــــــــــايف
في صوت واحد نجتمع له ملبيـــــــــن= اعدوا العـــــــــــــــــــــــده جنود وعسايف
الله واكبر زلزلت قوم رابيـــــــــــــــن= وتلعب على عقول الدلــــــــــــوخ الهدايف
مصدقين الارض تاتي بلاشيـــــــــــن= سلم وسلام بـــــــــــــــدون د م وكــلايف
الارض تبقى للرجال المضحيـــــــــن= في كنف الاقصى بالسنين العجــــــــــــايف
والقدس دايم ثالث الحرميــــــــــــــــن= ومسرى الرسول اللي على القـــدس طايف
يالله تقبل دعوة اللي مصليــــــــــــــن= وتهد صور صففـــــــوله صفايــــــــــــــف
ينهار من ساسه مع الطوب والطيـــن =على بني صهيـــــــون والكل شــــــــــــايف

أحيي ابن مجلاد

أحي ابن مجلاد من نسل وايل = شيخ ولد شيخ عسى الله يحيية
ذاع البيان وسد باب التحايل = والمقتنع ما قول بالشك يغنية
تاريخ ناصح ثابت بالدلايل = لاقلت وايل قيل ياحي طارية
قبيلة (ن) نفخر بها بالقبايل = وفي وقتنا الحاضر ياكد لماضية
ميغطي الغربال شمس الغوايل= وساس الهيال يطيح لو جيت تبنبة
وشوخنا كل (ن)عن الربع شايل = هم القبيلة قبل همه يوايلية
تميزوا بافعالهم بالاوايل = والشيخ مارد العطية ويهدية
ومصوت(ن) بالعشاء بالمحايل = والناس من كل النواحي بتلفية
رمز الشجاعةوالعفف والمثايل = لاقال قول كل قوم تدارية
واليوم ساد الا من والكل نايل= حقه تمام ومالقى من يعادية
في ظل حكام الوطن خير هايل = ال السعود أمنين (ن) نواحية
هذي الحقايق دوم والشك زايل =وهذاالوطن واجب على الكل يحمية

صار الفاكس يستقبل رسايل بأصعب الأوقات =يآخذ من بعض وقته وباقي الوقت وقت لـه
أرقامه بالمشاعر ثابتـه ومخزنـه بأثبـات=يبث أرسال للشاعر يوصف فـي حـلا خلـه
يزيد أشواق للغالي يطرشهـا علـى دفعـات=يرسم لحظـة الفرقـا فـي ترحالـه وحلـه
يجيه بعتمة الظلمة جمـل ومحملـه بأبيـات=حين النوم جـاه النـوم لكـن نومـه يملـه
سمع بيت مع الهاتف سهر من عقبها مابات=لازم يكمـل القصـة يقهـر النـوم ويذلـه
يبي يركز على المعنى قبل ماتروح ولاجـات=قبل ماينسي حرف وقـف للحـرف ويحلـه
يفسر باقي الجملـة يكررهـا عـدد مـرات=خايف ينسرق وقت علـى المطلـوب مادلـه
كتب ماجاه من معنى حرف من الشعر مافات=كتبه واسس المبنى قواعـد قصـر أو فيلـه
أتوارد بيوت الشعر صارت تسبق اللحظـات=هذا البيـت قبـل البيـت وإلا يآتـي بظلـه
قوي من المعاني واقفـه ماتنتظـر صفـات=تبي تعرف مواقفهـا وراهـا بيـوت منهلـه
تروضهن تعدلهن تلحهـن مـع العرضـات=تجرجرهن مع المسحوب أو الطاروق وتشله
لحن هوسه أو هلالي أو هو سجع منكوسات=يفضلهـا الويحانـي أو أبـيـات يدحنـلـه
بدا لحن صخري صخر بناه وصار له لـذات=صاغ البيت راعي البيت على اللحن وبدا يهله
تقلب مع بحور الشعر قال الحـدو ومـرادات=يشيل هجيني والقلطة وكل لحن رديـفً لـه
تسنع بالشعر قوله تجنـب أكثـر العثـرات=ياخذ من بحور الشعر زين الوصـف ويتلـه
ختم شعره بكلمة صايره من أجمل الكلمـات=وليابانت الصورة ترى الشاعـر بـرد غلـه