ديوان الشاعر /زايد الدغماني

توّي أدري إن لهيب الشوق حامس يحرق أحشاء الحنايا... ويتلامس كنت أقول الشوق لهفه شي عادي فـ البرايا / مايضر اللي تصّبر فـا المساء والليل دامس.... ! ماتوقعته كذا !! ماتوقعته كذا !! ! ليلة البارح طويله كانت غير عن الليالي من كثر مادق قلبي يشهد الله هد حيله ! هو واحد ماهو ثنين ولا ثالث ... ولاهو برابع وخامس هو واحد ! لو يغيب أيام عني لخبط أحساس الحواس لو يغيب ايام عني لا أشم ولا اذوق/ ولا أشوف ولا أحس ولا استمع ليات هامس ! ياقمر وينه سفيرك :ما أشوف اليوم غيرك جيتلك لجل أستشيرك:بلهفتي والشوق حامس ! ليلة البارح طويله كااان فيها البرد قارص كل ماجيت اتدفأ فـا الاماكن والزويا لج قلبي ويتراقص والوكاد اللي عرفته ماتفيد القلب ذكرى والغلا فيه إيتغامس ! ليلة البارح طويله !!!!!!!!!!!!!!!!!!!!!!!!!!!!

يارب عبدك ضعيف ورافع ايدينه=مايرجي إلا رجأ عفوك وغفرانك
العمر فاني ولو طالت بي اسنينه=والخاسر اللي خسر ياربي احسانك
جيت أسألك يا الاهي قلبي اتعينه=وارجيك وانت اللذي ما اغلقت بيبانك
في يوم كلن يطالع وش موازينه=وبساعة(ن) ماتبيك امك ولااخوانك

الهاجس اللي بعد ماراح عاودني=الله ياليل وش سوابي الهاجس
جالس وجاني ابتال الليل وابعدني=وشفت الاماني تحقق لي وانا جالس
فارس خيالي الى من نمت واسدني= مير البلأ كيف انام الياطرى فارس
الواهس اللي صفا لي فيه واسعدني=لاغاب عني لعنت البال والواهس
مستانس(ن)فيه مير الله قاردني=لاصار عني بعيد اشلون ابستانس
اسايس الوقت حتى لا يعاندني=واثريه قاسي ولا ينسايس امسايس
سادس قصيده على فارس تراودني=وتوه أصغّير ماكمّل شهره السادس

تعاآآل يامِشة غَلاء خاآآفقي وارق=تعال والدنيا حظوظ وتوافيق عن ضيقة المغرب تبسملك الشرق=وغنيت باسمك فى جميع الطواريق مادآآم ينبض با الغلاء دآآآخلي عرق =ماهقوتي تشكي معي وآآآهس الضيْق صدري فضاء واحساسه المزن والبرق=وبله مشاعر شوق الاحساس وتفيق شفت الغلا اللي محرقن خافقي حرق =كنه بدا يسحب اعروق المعاليق هذا الهوى يطرق حشى صاحبه طرق =ياكثر ماجرح اقلوب العشاشيق قبلك وبعدك ..واضح وشاسع الفرق=قبلك حياتي مالها أي تعليق

شعلة اشموع وقناديل

حبك كما فجر(ن) طرد عتمة الليل=جلاّ ظلامه واستحل بشعاعه
جاني إبلا موعد وحلحل بي الحيل=وجيته ابقلب(ن)مابقت به مناعه
حبك غزاني واسرج بداخلي خيل=واستسلم احساس الغلأ ابنص ساعه
من شفت رمشك شال طرف الهدب شيل=الله وكيلك صرت مثل البضاعه
لا تبتسم أوتحسب السالفه قيل=أو هي خيال من الفضأ ورتفاعه
محبتك شعلة اشموع وقناديل=أحرق بها حرف القصيد وذعاعه
ماني ابشاطر با الوصف والتفاصيل=والا طبعتك با القصيده طباعه

قصيده مجاراة لقصيده الشاعر /ناهي بن نومس والتي اسندها لشاعر دهش العواجي بعنوان {{ قصيدة المضايف}}

من خافقي غنّت على فجرك أطيور=يا أجمل صباحات القصيد ابتدينا
جيتك وابااحصد من محاصيلك أزهور=من بَعد مافاض القراح وسقينا
لشعر.فن.وذوق.واتقان.وابحور=يحكي إذأ حِنا ترى ماحكينا
ناهي يابو وائل بناياتك اقصور=وعلى اساساتك ملاحق بنينا
الله جمعنا وصار لك بيننا حظور=وعلى الاخوه والمحبه التقينا
مضايف(ن) عج بزواياتها اعطور=واقلوبنا تفرح بكل من يجينا
قولو للاطرق وين مارحت مشكور=ورعاية المجلس تراها علينا
بنيت دار(ن) تعتبر مرجع الدور=ولميت شمل اربوعنا وانتخينا
وتهافتو ربعك على الباب طابور=وبحظورهم شفنا ترانا ارتقينا
ذولا بني وايل حلاحيل وصقور=من دونهم عزالله انا غدينا
اما انت ياناهي ترى اسطورك اسطور=من حين ماقلت القصيده سرينا
الله خلق فا الادمي حس واشعور=ترسل اشارت الخطاء لنعمينا
انا اعرف الدنيا محطات وأعبور=ومانرضي الغايات مهما سعينا
كم عاقبتنا منها سنين وشهور=تاخذ وحنا منها ما خذينا
جينا ونيتنا على فوق مظهور=ولتفه تفاهات الزمن ما انحنينا
واللي خلقنا ومرسل الدين ميسور=اني على ما ابديت اول عوينا
كل ليلة سمراء لها فج ديجور=تشعل مساحات الهوى لاطفينا
فيك الفخر واسمك معرب ومخبور=هذا الأكيد ومو كلام يجينا
ترقى سنود وغيركم دربه حدور=وحنا كذا لامن رقينا رقينا
تاريخكم باقي ويبقى له اعصور=وانتم عضايدنا ومنا وفينا
ياروس قومن با اللقاء تكسب الدور=يامن خذيتوها بدنيا ودنيا
واليوم منكم يافتى نقبل الشور=با الذات من رجل حكيم وفطينا
واقبل سلامي عد ماباالهدى نور =واعداد مالرب الخلايق دعينا

السلام عليكم ورحمة الله

لتنشيط القريحه فقط اليكم مع التحيه

	من صدور المجالس لين ركن الزوايا=كلمة(ن) ماتثنى قلتها با اختصار الشمالي لوانه طيب(ن) با النوايا= با المعارك مايرضى كود بالاإنتصار من خِلقنا وحنا للخلايق مرايا=ومن جهلنا يفتش فعلنا كيف صار وفا الرجال الحكيمه يجبر الله عزايا=ضاعت أعلوم قومن عند دق الخصار ماقويت التسلق لجل وصل العلايا=التسلق ما يبغى له يدين(ن) قصار ياعزيز الجنايب لو عطيتك دوايا=كان ماجيت تركض من شديد العصار دامنا ماسعينا لجل كسب الدنايا=السماء هي فضانا ما يهم الحصار والعطايا حكايا ياجزيل العطايا=لو خذيت المنايا ما كسبت انتصار

, ,

تصميم الاخت الهنوف الجعفري