ديوان الشاعر/عويد كسار (بحر القصيد)

فارس وريثك ياوسيع البنايد مابين صدر وعجز بيت القصيده=ياذيب ياللي فوق رجم القصايد فكره جديده بس ماهي جديده=الناس قالو مرضي الناس كايد والميزه اللي فيك تبقى وحيده=الطيب ينقص وانت طيبك تزايد شاعر على الجزلات تنقى الفريده=من راس قوم ٍفعلهم بالشدايد وجموح خيل الأوله والعنيده=ومخلب عديم ٍسطوته بالهدايد ومن يشبهك مايظلمك يالوليده=وفارس وريثك ياوسيع البنايد قلب العدامه نبض حامي وريده=سيف ٍمن الدغمان فارس وقايد يالله عسى دنياك تبقى سعيده=وابوك يفرح مايشوف النكايد كم شاعرن تلقاه داخل بريده=لويجتمع ماصار عنصر محايد وكلن على ماقيل يشحن رصيده=مارزّة الشعار كــثـر الجرايد ياذيب ياللي فوق رجم القصيده=لو ماتجي بأحضار عفت القصايد

( حاجز الصمت ) يسعد مساء ليل القصايد على شفاك=في بحتك صوتٍ كسر حاجز الصمت واليا رجع صوت الصدى يقهر عداك=حقد الحسود اللي كسر نابه الشمـت كم قطعةٍ مـن قلـب حاقـد تبـلاك=واليا نزفت الجـرح عـزه تلائمت يالله عساهم فدوتك مـن ضحايـاك=لامـرك الجاهـل تعـدى وسلمـت شعري وأنا والليل نذرك وصمنـاك=ماعدت أجمع بيت واحـد تلعثمـت وأنا الدخيل اللي زبن يطلب حمـاك=عزيز قومٍ قـال تكفـى ولا أنظمـت مهمـا كتبنـا بالغـزل ماوصفنـاك=في صفحة الدنيا قريـت وتعلمـت نفطر غلا صوت القصايد على شفاك=في بحتك صوتٍ كسر حاجز الصمت

بحر القصيد

(الكوبرا والناي ) ماهو طرب ترقص ولا تعشق الناي=سم(ن) يـّرقص روس ذيك الأفاعي يميل راس الكوبرا واجبر أخطاي =رهن الغلا والعشق رهن استماعي وكـل(ن) على ليلاه غـنّا وليلاي =غنيتها بـعيـون ليلـى وداعـي وغنيتها رايح واغني لـها جـاي =وغنيتها مجنون صـاحي وواعي وغـنيتها يـالـيل دانه ويـامـاي =وهيجنتها مـوال رحلـة ضياعي يـاعـاذلي مهـما تنفس لـبلواي =رغـم الهـوى ضيّعت كل المساعي صمتي وصوت الليل يبعد لرجواي=واسمع نحيب الـناي دون انقطاعي وأعزف لها مجنون ليلى من أقصاي=لامن سرى الساري على ناي راعي صوت الوفا والشعر خذني كما الناي =والحقـد وقّـف روس ذيـك الأفاعي بحر القصيد

(جنون العبقريه) تدري ان العبقريه آخر حدود الجنون=وآخر حدود الصحاوه من جنون العبقريه وآخر حدود المحبه والسوالف بالعيون=وآخر حدود القصايد والليالي سرمديه وفوق حد الفن يعني ارسمي من دون لون=وفوق حد اللون يعني سيلي دمعك عليه وآخر حدود المشاعر يسرحون ويمرحون=مابقى ياكود واحد كمل المجنون ميه وآخر حدود المصايب لازبنتيني تهون=والله انك مازبنتي غير عرق الوايليه الحدب سيفٍ يسولف والجماجم يسكتون=همهمت صوت الجماجم بين ذيك وبين ذيه وآخر حدود العواذل ياقفون ويقعدون=شفت كيف الكون واقف ميتٍ بقلوب حيه وآخر حدود التفاؤل في سمايه والمزون=بارقٍ وأزريت اخيله بالسهول الجرهديه بحر القصيد

(قرص الشمس) كن قرص الشمس خدك لاتأملت الغروب=ذبت معها والمحبه ذوبتني بالعذاب ماانتي أول من تركني في متاهات الدروب=قبلك سنيني وحظي والعزا بأكبر مصاب والزمان اللي تبسم هو عدو والا محبوب=كم واحد تتضح لي صورته خلف الضباب القلوب أقفال لاكن وين مفتاح القلوب=ماجبرتك بالمحبه دام تهوى الانسحاب الخطا واكبر خطايه عن وفايه كيف اتوب=لاتسل سيوف غدرك مع سنين الأكتئاب ماانقطع وصل المحبه غير من حلف الكذوب=عاذل(ن) بيني وبينك يالغلا ودّا وجاب جذع نخلٍ يوم هبت من شمال ومن جنوب=دمعي اللي ماسقاها غير من وبل السحاب ارحلي ماني لحالي واقفٍ وقت الغروب=كل عقدن في يميني من ردى حظي تراب

(ويل الرصد) ياصاحبي كم قلت ضاقت وضاقت=واربع جهات الكون ضاقت بالآفاق والياصحت من نومها واستفاقت=ياشين وجهك يالزمن قبل الأشراق نصف القطر بالأرض يومٍ تلاقت=والنصف الآخر محرقٍ كل الأوراق ونصف العمر مبيوق والناس باقت=كم واحدن يسرق من الناس خفاق كم مرةٍ عدت ومرت وفاقت=طاحت ولاادري وين طاحت بالأعماق كسرة نجم من دمعة العين واقت=ويل الرصد لاطاح من جمر الأحداق بأقصى محيط الهم تكـّة وراقت=في منجم سنين الأسى تحت الأنفاق عكـّز على رجل القلم لين عاقت=حظ ٍغدى مشلول ماقوم الساق ومن بارق المنشا زمى الغيم ساقت=بيت السحاب اللي بنا ظلـّه رواق ياصاحبي كم قلت ضاقت وضاقت=وهانت علي سبحان قسام الأرزاق

(صـرخـه) خط القلم صرخه على بيض الأوراق=صفحه تشرّب حبرها لون بالدم مدري لقى والا شقى دمع وافراق=ماكنت احسب الحب يعني تحطـّم والا عهود الحب كذبه وميثاق=مـيثـاقــنا قـدام عــينـك تــهـدّم والا الغلا تبعد وانا آروح مشتاق=صمتك حديث عيون يالله تكلّم نام الغروب بصمت ليلك ولا فاق=دفاق غافي بالمنام اتحلّم كان الوفاء عرقٍ به الدم ينساق=بس المسي جرح الخطا وآتألـم كم واحد بالقلب قبره بالأعماق=مثل القلم لاجف حبره تبلـّم ياصرخة المجنون لو حبنا راق=عتم سما دنياه وشلون عتـّم جف القلم والريح عاثت باالاوراق=ريح الوفاء ياليت قلبك تعلـّم

( قاف عنزه )

اهداء للشاعر/ منصور نايف الرويلي

يــاحــر مثـلك نــادرين وقــلايــل
قاف عنزه من فوق راس الطويله

نرفع لــك البيضا بروس الـــنثايل
صوت الفخر منصور عز القبيله

من طنخة العليا على عز وايل
برق السيوف اللامعات الصقيله

مـــترفعٍ ماجـيت يــم الـهزايل
من عادتك ياحر صيد الــجزيله

شوق الهنوف اللي تقض الجدايل
أم الـعيون الناعسات الكـحـيله

أخت النقا بنت الشرف والحمايل
اللي عـلى شانك تقض الجديله

تحشم عــن اللي يبني البيت مـايل
ماهــو عزاز القـــاع جرفٍ يهيـله

لـو كــثرة الشعار تمــلا الطــوايـل
ماعـاد شــكل الأمسيه مسـتطيله

في مسـرح الشـعار سوّى الهوايل
مــن بــؤرة الزلزال يــودي صــميله

اللي مــدح بفــلان وفــلان عـايل
واللي فصخ ثوب الحيا عن شليله

وأصـل الشـعر تـاريخ فـــعل القبايــل
ثــقــل الحـمول الكــايده مـن يـشيلـه

يـــوم انها مابيـن صـايل وجـايل
حـتى الحـجر ماعــاد يقدح بــليلـه

الا مــع الــويلان شـبـت فــتـايـل
من حافر كحيلان قــدح الـفتـيلــه

أبـك انـت مثـلك نادريـن وقـــلايـل
فــيـك اربعيـن مـن الشـبه مستحيله

نرفـع لــك البيـضا بــروس الـــنثـايل
قــاف عـنزه من فـوق راس الطويله

بحر القصيد

( طاحة اللوحه على الماء )

للســـفر قطعة عذاب ولاتــــعديت الشــــــمـال
مــن ديـــار طريف حتى وقّــّفت بجبال سلمى

والــفراغ اللي تركـــته بين طـــيات الســــؤال
مـبهـم ٍحـد الأجابه ماأنجـرح بسيوف ثلـمى

طاحت اللوحه على الماء واجمل الألوان سال
ومرسم الريشه تبعثر عادة الألوان بالـماء

كم لون ولون بالماء عكس صوره باالخيال
وكم لون ولون بالماء عكس صوره حيل ظلمى

الصباح اللي تنــفس بالمطر والغصـــن مال
والزهور اللي تكلم عند صوت الريح بلمى

شجرة العرجون تشرب من عطش موت الرمال
ولنــقطع مسباح شاعر تنمحي مليون كلمى

كل حر (ن) في جناحه وجهة الهجره شمال
من عشق رجم الحماده مانزل بجبال سلمى

بحر القصيد

(كنز القناعه) من يقول ان القناعه كنز كذبـّت القناعه=لوصحيح ان القناعه كنز ماجاع الفقير لو صحيح ان القناعه كنز ماصارت مجاعه=كان ضف البشت جوع ولادرى عنه الأمير واقنعيه الطير يكفخ بالسماء حد البراعه=مخلب الحر النداوي صيدته عجزت تطير واقنعيه الكون يسكت عند همسك لأستماعه=واقنعي ليل الفرزدق لايطول مع جرير وش على نجم الثريا بالسماء واهج شعاعه=والرمد مهما تكتل وش على عيون الضرير واقنعي ليل الاحبه لاألتقوا في ظرف ساعه=واقنعي ريح الخزامى والنفل حول الغدير في غدير الحلم تبقى لاتموت بوسط قاعه=واقنعيني لو فقدتك في حياتي وش يصير واقنعيني لو قتلني رمش عينك هي شجاعه=واقنعي منهو غدرنا يسكب الدمع الغزير ومن يقول ان القناعه كنز كذبـّت القناعه=وانت كنزي بالقناعه وانت الأول والأخير