ديوان الشاعر/ عبدالرزاق بطاح المطرفي

زلزال سوري هزت اركان بشار=وضاقت به الافاق عقب اتساعه
دارت على الطاغي دواليب الاقدار=نجمه طمن بالقاع عقب ارتفاعه
ماينفعك لوكان فزّعت الاشرار=واصبحت وحدك ياخبيث الصناعه
قاموا يدكونك صواريم الاحرار=وصار الاسد اليوم ضمن الضباعه
صكوبه اسباعٍ يدوسون الاخطار=شباب سوري يهتوون الشجاعه
ياالله بنصرا(ن) منك ياوال الاقدار=يظفي على روس العوالي اشراعه
وصلاة ربي عد ما بالسماء طار=على رسول الله راع الشفاعه

الشعرفن وذوق وحساس وشعور= ولاكل من قال القصيده حكرها
وبعض القصايد مالها بالشعردور= والي كتب بعض القصايد دمرها
والشعرمن بعض المخاليق مخطور= مستشعره بعض البشرمن قهرها
والي كتب له بيت والبيت مكسور= قصيدته من كل جيهه كسرها
والشعرديوان العرب شي مخبور= خلد تواريخ العرب من دررها
يامنتدى الويلان مشكورمشكور= بسم عنزه نرقى بعالي قمرها
وصلاة ربي عـد ماشعشع النور= على رسول الله سيد بشرها

لاتشتكي الهم لوكنت مقهور=ربك غفور ورحمة الله كبيره
اقنع على المقسوم واصبر على الجور=اخيرمن مد الوجيهه الحقيره
وافطن ترى دنياك دولابها يدور=يمكن يزين الوقت وتصير خيره
والمجلس اللي فيه نامس ودبور=والنمل عنده مودعله حضيره
انفض شليلك ما انت بالنمل مجبور=وانحر مجاليس الرجال السفيره
اللي مجالسهم بها الطيب مذكور=وفنجال بنن والقهوجي يديره
ولا الردي من خلقت الناس مثبور=لا نافعن نفسه ولامنه ذيره
يقول ابن حثلين والقول مخبور=والهرج يكفي صامله عن كثيره
وصلاة ربي عد ما يطلع النور=على رسولا سيرته خير سيره

تكفون يالويلان تكفون تكفون ترى قولت تكفون تهز الجذيبه وعادتكم عند الصعيبات ترسون وافعالكم بالطيب ماهي غريبه وسامح يهل الدمع بالسجن مسجون مصيبةٍ(ن) ياكبرها من مصيبه وامه وابوه بليلهم ماينامون وحبيبهم بالسجن قرب مغيبه تكفون لايغيب وانتم تشوفون معيبتةٍ(ن) ياكبرها من معيبه وامه اتراعيكم تبي مدت العون من شان يرجع ابنها من مغيبه وشيخان وايل ان دروا مايعيون ولايلحق الويلان شك(ن) وريبه عاداتهم في حق وايل يعيون بالسيف ناخذ حقنا بالغصيبه ابشرياسامح بالسعد يوم يمشون اعيال وايل ما تحب الغليبه من دون قاصربكل من كان ويكون قبايل (ن ) وحقوقها ما نغديبه

اخي واستاذي الغالي عويد كسارالعنزي
بحر القصيد\

شكري وتقديري لك على ماقمت به

وبيض الله وجهك وجزاك الله خير

اخي\تقبل مني اجمل تحيه ومليون يدبل مليون شكر لك

اخوك\ابوشريف

هذاردي على احدى الاصدقاء يقول في قصيدته
--------------------------------------------
بديت بلي اوساعن افجاجه
ربن رحيم ويزبنه كل محتاج


ولاضاقت الدنياقضى كل حاجه
هوالوحيداللي له الناس تحتاج



ودنياك هذي ما تميز خراجه
احيان تضحك لك وحيان تنعاج



الله من فكرن تكدر مزاجه
عياء يجيه لنوم خلاه مسهاج



وقريت انا بيوتن على قاف اجه
من ابوشريف اللي مثل عدهداج



يسلم لسانك ماتجيك العواجه
شاعرعلم لايبعدكل هراج



ياشوق من قرنه على المتن ماجه
خرس العيون وخدها تقل لعاج



الله على دار الحماد وزراجه
وناخذ بها سجه مع الربع منهاج
---------------------------
الشاعر\عايدالمطرفي\ابوسالم
----------------------------
وانارديت عليه في هذي الابيات
-------------------------
حييت يلي ما تقول السماجه
تستاهل الفنجال ونلبسك تاج

تاج الفخرماهوبتاج الغواجه
شاعرومتمكن مثل عدهداج

عايدابوسالم من الطيب تاجه
حرا تعلا فوق صلفات لامواج

وان كان صدرك ضاق عندي علاجه
بواد المرى كنك على ساحل العاج


يم الحماداللي اوساعن افجاجه
ونط الرجوم العاليه مثل الابراج


تشفي اجروح القلب وهذا اعلاجه
ولا البلد ما فيه ياغيرالازعاج


الشاعر\عبدالرزاق بطاح المطرفي

الف شكر يابو كسار على افتتاح الديوان

يستاهل شاعرنا القدير عبدالرزاق المطرفي وألف مبروك

تم تركيب بنر الديوان

أخي الشاعر القدير \ الشيخ\ الاطرق أبن بدر الهذال الموقر
السلام عليكم ورحمة الله وبركاته وبعد
يعجز السان عن التعبير بماقمت به بشان ديواني الشعري
شكري وتقديري لك وأنت دايم حريص على الارتقى بالمنتدى
الى اعلا مستوياته الشعريه والثقافيه وتحفيز الشعراء بمايليق
بالمنتدى وسمعته وهو يمثل بوجه عام عنزه عامه و تمنا من الله أن
يوفقك و يبقيك لنا ذخر واطال الله في عمرك وتقبل من أخوك\ عبدالرزاق المطرفي
أجل القدير و الاحترام لشخصك الكريم وأنت شرفت ديواني الله يحفظك ويرعاك
و أعذرني لا أن يخونني التعبير ما أقو ل الا شكرآ شكرآ لك على أضافت ديواني
مع دواوين الشعراء وبيض الله وجهك ياتاج راسي ويامحزمي
-------------------------------------------------------------------------------
ارجو أن تقبل مني هالبيتين هديه مني لك وأنت تستاهل أكثر طال عمرك
-------------------------------------------------------------------------------

ماهي غريبه فعل عريب الانساب
ولاهي غريبه فـعل واف الخـصايل


أنتم بني عمي قريبين وصحاب
وأنـتـم أشيـوخ مـن قديـم الوايل



أفــعــالكم تـدري بـه كل الاجــناب
يـــوم أنـهــا مـابـيـن صايل وجـايـل


مـن دون زيـنات اللــبن عـوج الارقـاب
مــا تــشربــون البـن والــحــق مـا يل


تقبل أجمل تحيات\ أخوك \ عبدالزاق المطرفي

والمعذره عن التقصير

ياصالح الراكان خل التفاكير هيضت جرحٍ داميات (ن) اوجوعه والبارحه بالقلب مثل المسامير وهواجسٍ من كل يمّه تلوعه الله على اللي يبعدن المشاوير جيوبٍ على قطع الصحاري بتوعه ونبعد عن لج البلد والزوامير يم الحماد اللي اعلاج(ن) فروعه ونط الرجوم العاليات المشاهير تشفي اجروح القلب من كل لوعه قفّوا هل البِلْ والسلف والمظاهير وراحت بهم جرد السنين القطوعه واليوم بدوك بسوق الاسهم هوامير ولاخايلوا برق(ن) بعيدن لموعه وياحَنْ قلبي حن خلج(ن) على ظير وَرْدَن على عدن قليله انجوعه ساجن وماجن ثم كتّّن محادير وكتن شعيبن مالقنبه رتوعه ومن المحل مودع بخده مصاخير وياالله عسى الرحمن يخضر افروعه الشاعر /عبدالرزاق المطرفي

بيض الله وجهك ياابو كسار والله يعطيك العافيه
أنت اخ وغالي والله يجزاك الف خير على اضافت هذي القصيده
و لك كل الاحترام والتقدير اخ وعزيز طال عمرك