ديوان الشاعر/عويد كسار (بحر القصيد)

(نـكـهة التـوت) واحد وحشني بالمحبه ماهو موت=لا والله الا لين حزة وفاتي لو شيعو بحر القصيده بتابوت=نذرن علي مأنساه لآخر حياتي عذرا على ابراج السماء لاعبت حوت=تبعثر نجوم السماء من شتاتي ماهي سحر فرعون موسى وهاروت=تـكـَهـّن العراف في تضحياتي الصوت لو ينفع بعد فايت الفوت=مـارجـّع الحظ الردي لأمنياتي الصمت اوضح لا ابلغ من الصوت=في ناظري بوح الغلا عن سكاتي يعني هنا تاقف وتنزف من سكوت=الدمعه اللي جرّحت لي لهاتي تبغا تذوق الحب في نكهة التوت=قرب شفاتك يالغلا من شفاتي كانك سمعت فـ بيت يغني عن بيوت=بأروع قصيده قلتها بأمسياتي تبغا تشوف انسان في سكرة الموت=تعال ناظر في غيابك حياتي

عويد كسار

هذا شعر يستحق القراءة اكثر من مره

لأن روائعك كثيره

و هذا حضور فخم يستحق الاشاده

و هذا مشاهد شاعر يستحق الاعجااااب

صح بوحك و طابت روحك

دانه في محار


صح بدنك وتستحقين الخير والعافيه اختي سعدت وتشرفت


الروعه والجمال بمرورك اختي دانه كل الشكر لكِ


تحيتي وتقديري

(بآخر مطاف الحب) في ذمتي يا اول غـلا وتعرفنـي=اني على عهد الوفا من عرفتـك بآخر مطاف الحب شفتك وشفنـي=شفتك مثل عيني بيـدّي طرفتـك ترقى بي نجوم السماء وتحذفنـي=ياللأسف وشلـون تـوّ اكتشفتـك والعز انا بحجاج عينـي وجفنـي=لو شدني لون الزهـر ماقطفتـك والموج انا والبحر انا فيه سفنـي=مهما وصفت من الغلا ما وصفتك وانا الجبل والريح مهما تعصفنـي=والجرح انا والدمع انا لاذرفتـك وانا العسل من طيب قلب ارتشفني=وكان الوفا ذنبي صحيح اقترفتك واليوم بان الغدر عفتـك وعفنـي=والا اعتبرني أي واحد صدفتـك وان شفتني مأبغاك حتى تعرفنـي=بآخر مطاف الحب جرح ونزفتك

صح السانك وابداع بكل المقاييس
الله يعطيك لعافية تسلم
تحياتي وا لله الموفق

الشاعر القدير/ ابراهيم حرير العنزي



صح بدنك والله يعافيك لاهنت اخوي


تحيتي لك

(الجرح نفس الجرح) يامصممين الجرح لو ترسمونه=ماغير التصميم شكله ولونه لو طبقوه بفن علم التصاميم=وظمن المناهج للبشر يشرحونه ومن ريشة الفن الاصيله تسيـّل=في لوحة الفنان روعة فنونه ومن الوتر بأحساس صوت المشاعر=لو يدمجون الطيف خلفه ودونه ومن فكري المجنون لوقلت ابشرح=بدري عليهم قل لهم يفهمونه مادام كل الناس بالعقل راضي=لو عقلي المجنون ما تدركونه غاياتنا وشلون ندرك رضى الناس=والعبقري بفنون صحوة جنونه يامصممين الجرح لو لا المحبه=ماهيجن المجنون بأعذب لحونه ويامصممين الجرح لولا القصايد=من دم قلبه لين دمعة عيونه لاتضمدون الجرح بدموع الاقلام=بين الورق خلوه ينزف طعونه جرحي واعرفه زين صعب ايتغيّر=لو تدمجون الطيف خلفه ودونه ولو طبقوه بفن علم التصاميم=ماغيّر التصميم شكله ولونه

(ظاقت بي الدنيا) ظاقت بي الدنيا ولاادري شسوّي=بالواقع المأسور هذي سواتي كل(ن) على نوّه وانا له بنوّي=وعندك بعد ميثاق قصة حياتي الله على ماصار صبري يقوّي=بالماضي اللي راح عمري شتاتي عكرت انا بجوّه وعكّر بجوّي=أعظم حقيقه عاندتني بذاتي لاما طفى بدروب الايام ضوّي=دام الجوارح لليالي رواتي ودام الدموع اللي على خدي تكوّي=ودام الفقر ياغايتي هو غناتي منهن عوى صوتي كما ذيبٍ يعوّي=صوتٍ تكسر له حواجز عداتي ياهاجسي وش فيك فيني متلوّي=ياحارمي لازلت تنطر وفاتي قم عزني بالكل وكلي متحوّي=حزن وألم وجروح هذي عزاتي

الله عليك .. صح السانك حتى ترضى يالبناخي

عذرا ً للمقاطعة ولكن أبت المشاعر الإّ أن تتحدث هُنا

لله درك يابو كسار .. متابع دائم للمعين الصافي

كل الاحترام والتقدير