اكتب بيت شعـــر يعبر عن حالتــك النفسيـــه

عليـك بالطيـب ليـا صـرت مزنـــوق
الـلـي فعـولـه كلبـوهـا روايــع

يشيل عنـك مـن الصعيبـات طـاروق
ولا يلحـق المنـه جميـل الصنـايـع

والشارب اللي ساعة الضيـق محلـوق
وقت الرخاء ما أحـدٍ يبـي لـه فزايـع

خله ولو شفته علـى الوجـه مصفـوق
ولا تستشـيـر مجالسـيـن الربـايـع

واضرب على الكايد ولا يلحقـك عــوق
وأطلـع سنـود وخيـر ربـك طلايـع

يقدم عزيز الساس لـو كـانمفهــــوق
ويأخـذ عظيمـات المـراجـل قـلايـع

يالله دخيلك عن خلاف المقاييس
وعن واحدن مادری عن سطوري

جاوبته احساسي علی صفحة الفيس
واعطيته الخافق من اول مروري

لا ضاق صدرك من حياتك ومـليت
[الحل والله ركعتين بـصلاتك]

جرّب ليا من ضاق صـدرك وصليت
[شف بعدها وشلون تصبح حيـاتك]

حلاة السفر.. يغيّر الدائم المعتاد
يغيّر بوجهي قبل يغيّر بـ روتيني

يخلي إبتساماتي .. ثلاثيّة الابعاد
لو انظر يسار يلاحظ اللي على يميني

يامحرم على اوراقي حضور القصيده
خيرة الله عليك اطلق رهينة غيابك
القوافي غدت مثل الخيول الشريده
وين ماتتجه يتبعن وجهة ركابك
واحتبس منك دم المحبره في وريده
شوف.. حتى القلم ماطاق قسوة عذابك
كيف اعاتبك كيف اعطيك فرصه جديده
انت شوهت مفهوم العتاب بعتابك
كان لي فيك ياماكان هقوه بعيده
يجذبنّي حبال الصيف واتبع سرابك
اتعبتني مسافات الدروب العنيده
لازم اسألك واتحمل فجيعة جوابك
قول مابيك والفرقا طرقها عديده
كان عندك شجاعة صدق تبرح جنابك
خذ معك كل شي غير القلم والقصيده
مالها ذنب تاخذها رهينة غيابك

لاصرت احبك موت وتحبني موت
ليه التغلي والعتب والملامه

خل العذول يموت في وسط تابوت
وقلي احبك لين يوم القيامه

اكتبلك ابيوت الشعر طعمها توت
واعطر ابيوتي بريح الخزامه

عشان لامن جتك لايمكن تفوت
تشرب بيوتي واتعطر كلامه

ياقـو قـلبك يجيك النوم بغيابـي
وانا عيوني جفاها النوم بغيابك

يازين طوّل غيابك وأتعب اعصابي
والقلب مني طواه الهم بأسبابك

لاتبدي اسرارك على كل مخلوق
تندم على ماقلت مره ومره

خلك على ماقال قفلٍ بصندوق
تسلم من النمام خيره وشره