"استراحة بنات المضايف "( يمنع دخول الرجال)

يسلمك ربي ي الكحيلا
ياخيتي اخاف اظافري تتكسر ويادوب مسوية بداكير وانت ماتحبين الاظافر يعني لو انكسر احد اظافرك ماتهتمين
ههههههههه انا ازعل لو تكسر واحد منهم

اهلا بالجميع

وين بنات المضايف مختفيات يا الله رحمتك مهنا احد

بسوووم يوم الله جابك تعالي هوووون جايبه معاي حب حساوي اي ( فصفص)

تعالي نتقهوى ابي اسمعك قصة طيبة تعجبك

يا هلا بك يالكحيلا

والله دايم مافيه حد البنات غيابهن اكثر من حضورهن

تسلمين ياعسل ومن ايد مانعدمها يارب

قهوة تعدل المزاج وحب طيب شهيتيني فيه

وانا جايبه لك الحلى

وابي اسمع ماعندك من قصص من زمان عن قصصك الطيبه

بالعافيه عليك وعلي هههههههههه

الله يعافيك من يد مانعدمها

السمعي ذا السالفة يا وخيتي

الإنسان اللي الله معطيه مال وحلال ويحرم نفسه من النعم فهو من المحرومين

والله استغرب لما اشوف غني محروم من ماله ومين اللي حارمه بخله للاسف

ما حدني لهذا اقول هو ما رايته بعيني لأحد التجار والذي يملك من الخير الكثير

والله يا بسمة اني رايته يسلم على اخي وظننته متسول من ردأة ما يلبس

حتى قال اخي عندما سألته من هذا الرجال قال هذا يملك نصف المحلات التي في المدينه

يا الله وهذا حاله ثياب رثه وماتسر الناظرين .قلنا التواضع زين بس مثل كذا لا والله لابو التواضع كله يا شيخ ههههههه

عشان كذا عرفت من هالموقف ان بعض البشر محرومين سبحان الله يجمعون للورثه

ولم يتمتعوا بما انعم الله عليهم به .

وخلصت السالفة والدور عليك بعد ما تغسلين هالصحون الله لايهينك خخخخخخخ

ياسبحان الله ربي يعطيهم من فضله وخيره وهم يحرمون انفسهم

الا يكفيهم قوله تعالى ( واما بنعمة ربك فحدث )

ابعدنا الله وياك عن البخل والبخلاء وجعلنا من الشاكرين الحامدين الرحمن على فضله ونعمه ظاهرا وباطنا

تسلمين شاعرتنا بنت الكحيلا على هذه القصة التي فعلا نراها في بعض البشر الذين منعم الله عليهم

الحارمين انفسهم والادهم

ودي لك ..

الله دخيلك مافي احد من بنات المنتدى دخل هنا

شكل مافي بنات نشوف ملابسهن ملونه بس ههههههه

بسوووووم تعالي ابك استراحتنا مغبرة ساعديني تعبت صارت شوشتي حمرا من الغبره ههههههههههه

تعالي اسمعي هالقصة الحلوة عن الصداقه

قبل مانشرب شاي وقهوة

عندي طريقة لتنعيم اليدين والرجلين مجربتها صراحه رووعه

جبتها من احد المنتديات وجربتها بس انا من اللي طبعه ملول ما واصل على شي

استخدمتها سبوع صارت يديني حرير من جد ما امزح وابي بنيات حواء يستفيدن منها

تحضرين جليسرين جليسوليد المتوفر عندكن وتجيبي علبة فارغه وتعصرين فيها نصف ليمونه وتحطين نصف علبة احدهم

وتدهنين يدينك عند النوم وتواضبين على وراح تشوفي الفرق ومافي مانع لو دهنتي رجيلاتك بعد النومه زينه ههههههه

والحين بنتقهوى ان شاء المولى

المشاركة الأصلية كتبت بواسطة بنت الكحيلا

الله دخيلك مافي احد من بنات المنتدى دخل هنا

شكل مافي بنات نشوف ملابسهن ملونه بس ههههههه

بسوووووم تعالي ابك استراحتنا مغبرة ساعديني تعبت صارت شوشتي حمرا من الغبره ههههههههههه

ياهلا ببنت الكحيلا
مافيه بنات صار فيهم انقراض مابقي بس الثياب الملونه هههههههه
جيتك ابشري بساعدك وربي يعين فيني حساسيه من الغبار بس مايهون علي اشوف شوشتك منفوشه ومغبره هههههههه
ربي يسعدك ويرضى عليك
تسلمين ياعسل على القصة الرائعة
جد فيها وفاء وحفظ الجميل ودروس للعبر

ههههههههه وين هن بنيات حواء حتى نجيب لهن الخلطات

بح مافيه حد انا وانت بس الجميع اختفن

تسلمين على طرح الفائدة ابي اجربها ولو اني عارفة نفسي اكسل منك ماراح استمر عليها

تسلم الايادي على القهوة جت في وقتها من الازعاج احس راسي بينفجر

خليني اروق على قهوتك