ديوان الشاعر/ زاحـــــــم بن نومـــــس

من دوافع ذات مؤمن للعباده = اتجه بي للحرم ودي اطوفه
لي ثلاث اسنين وشهور وزياده = واللوله للبيت ماتوصف وصوفه
حال ضرفي لااصله ماهي بعاده = والا انا وصله مايلحقني حسوفه
اعشقه ومن الغلا اقبل اعماده = كل ركنن فيه يحييني وقوفه
وكل ركنن به ملاذي والسعاده = فيه يسلى خاطري ساعة مااشوفه
ياكريمن مدته تغني اعباده = منك جود العبد لا جادت كفوفه
ياآللهي عبدك وحقق مراده = واحظفه بحماك واكتب له مروفه
وعن سواد الدرب ياجالي سواده = عن حطا حد الخطاء واصلح ضروفه
منك عون العبد لا دور مداده = ياعزاه بما عجزت عنه اكتوفه
مؤمنن كيفه من الأيام ساده = شاف مر الوقت ماشاف امخلوفه
ياآللهي وانت عالم في فواده = انت اعظم من رجاه بما يلوفه
لا تقصر مع هل الطولات ماده = اجعله في كل مادن فيه نوفه