ديـــوان الشاعر /طالب ونيس السلمي العنزي

اسعد الله اوقاتك وعمّر حياتك بالطاعه والأيمان
الف صح لسانك على القصائد المميزة
وردة بنفسج لروحك الطاهرة

رائع ومميز

الله يعطيك العافية

الـكـيـف زان وزان نظـم القـصـايــــد=ونـظـمـت مـن صاف القريحه مثايـل
واخترت من زين القـوافـــي فــرايـد=بنات فـكـري مابـهــن قـول قــايـــل
نظمتهـن نـظــم الذهب بـالقـلايــد=وعسفتهـن عسـف المهار الاصــايــــل
ماني مــدور في قصيدي فـــوايــــد=الا الـثـنـا مـن كاسبين النفـــايـــل
ولاقـول انـا غـيـر العـلـوم الـوكايـد=وعندي عـلى قـولـي ثبات ودلايــل
الطيب مـع كــل العـرب والبدايـد=مـاهــو لنامـن دون بـاق القـبايـل
لاشك لـي ربـعـا بوقـت الشـدايــد=عاداتهم كسب الفخـر بالـفـعــايـل
سـلمات ربـعـي دون ناقـص وزايـد=تشـهـد لهم بالطيب كـل القـبايـل
ربعي لـهـم كسب الجمـايل عوايد=عاداتهم كسب الفخر والجمـايـــل
يـوم المـلاقـا يكســبون الـحـمـايـد=وفزعاتهم تشـفي كـبودا غــلايــل
انشـاركـو فـي كـون والـظـد كايـد=ستر العـذارى ناقـضـات الجـدايـل
مـزبان مظيوما حـدوه الـظـدايـد=ذراه عـن حـر السـموم وقـوايـــل
والـجـار مايشـك الـكـدر والنـكايـد=سـلـمًا لنا عـلى الـجـدود الاوايــل
امـجـاد ربـعـي مـن قـديـما تلايـد=تشهدلـهم عوص النظا والسـلايـل
وصـلاة ربـي عــد وبــل الرعـايـد=عـلى محمد عــدوبــل المـخــايـــل

قال طالب الونيس العنزي
هذه النصيحه والتذكير وخاصة الشباب
المقبلين على الزواج يقول فيها

قال الذي جرب وشاهد مع الناس=وعنده من الماضي تجارب ورسه
ياسامعي خذها وصيه من الراس=ؤصية يقولها بطول حسه
الى عمرت البيت جود له الساس =احذر يجي في بنية الساس هسه
لاتناسب الخايب ترى العرق دساس=من كان خاله لاش عرقه ينسه
تري النسب فيه المكاسب والافلاس=خسا رته ماتختفي لو تدسه
كم واحدا عقب الرجا يطوي الياس=الياشاف في عقبه عفانه وخسه
من كان خاله لاش ماحاش نوماس=الزند خامل لو تحاول تمسه
ترى جمال البنت ماهو بمقياس=خضرا الدمن حذراك داره تعسه
شوف الشواهد في عيونك مع الناس=عرين اسود وساكنا فيه بسه
الى هرج وسط الرجاجيل يحتاس=ودك على الخد الموالي تطسه

‏
المراجل دربها عسر وشـطـيط= تـلـة تـتـعـب قـدم مـن نـطّـها
المراجـل واسـعـه مثل المحيـط= يعجزالغــواص يعـبر شـطّـها
ومن سـمع لزعيط هو ويا معيط= الـقـوافــل تنحرف عن خطّها
لاتجالس من يحطك بالحطيط =قـيـمة الرجـال هـو يـحـطّــها
لاتكن جبار ولسـانك ســليـط= وط نفسـك للضـعـيف وطّــها
الغلط ون جاك من بعض السقيط = كلمته من خلف ظهرك قطّها
والخطا من صاحبك كانه بسيط =كان تـنـغـطى الخطـيه غـطّها
الغـشـيـم الى عـذلـتـه يستشيط= ون بداك بـشـور كـبـدك بـطـها
انحصل فرقاه قل هـفـت مـقـيـط= جعل عينا تفقده الرمـد يلـطـهـا