ديوان الشاعر / عبدالعزيز شلاش القروعي العنزي

اقدم لكم ديوان الشاعر عبدالعزيز شلاش العنزي

🌟طوق الحمامه ⚡️

📝كلمات الشاعر:عبدالعزيز شلاش العنزي📝

(درع عنزه الازيرق)

🎤اداء : صوت عنزه

سعود بن حصنان🎤


⁦‪https://youtu.be/WdA3O-dABsY

..............
مشاركتي في حفل مرور عام على توالي سيدي خادم الحرمين الشريفين الملك سلمان ابن عبد العزيز ال سعود الحكم

ياديرتي عيشي بامن وأماني
عيشي رغد بسم الله الرحماني

ياقبلة الاسلام يامنصوره
ياروحانيه مهبط القرآني

إيه اشمخي مافيه درار(ن) زيك
ياجوهرة يادرة الأوطاني

تافاخري رفّي علمك العالي
أنت تحت حكم الملك سلماني

تفاخري بابو فهد يزها لك
قلدك عقد اللول والمرجاني

ملك ملوك الأرض تخضع لامره
من لاخضع لرضاه يخضع عاني

ملك وشعبه عاهدوه الطاعة
حب ولا يجري مع الشرياني

متكاتفين وقولهم لبينا
ياسيدي أمرك من الأعياني

أرواحنا ياسيدي لك فدوة
بسوق الغلا تنباع بالمجاني

والحين حنا عام ذكر البيعة
يعجز عن التعبير عنه الساني

الشاعر . عبدالعزيز شلاش العنزي
...........
ياالله وانا سالك بفصاحة السان
و يا الله على القول الحميد تهداني

لين انضم المعنى كما نضم مرجان
واعطره ....با الورد ....والزعفراني

ويارب جملني بحفل ابن جدعان
شيخ الشيوخ الي بحفله دعاني

شيوخنا من سابق الوقت والان
شيوخ عنزه في كل دار وزماني

ياشيخ لك شيمه وجاهن ولك شان
ولك العلو .. من العلو المكاني

اعتز ياخو بتلاء واعزم بويلان
كل عنزي يجيك بالحال عاني

عزك بربعك ونت للعز عنوان
اعزم ولك ربعن طوال اليماني

كن عنزه كواكبن نورها بان
وانته بهم مثل سهيل اليماني

امجادنا ماتنطوي في زمن كان
امجادنا تنعاد مع الثواني

المجد حاضرنا و موروث جدان
تفنى أمم والمجد ماهو فاني

من غير نقصن بالقبايل وحقران
حنا عنزه للطيب رمز ومعاني

قبل الختام سعود كيفك كحيلان
اهديك من ربعي جزيل التهاني

ربعي هل الجدعا سلايل سليمان
اجمل تهانيهم يقوله الساني

الشاعر عبد العزيز شلاش العنزي
.........
لاجزاك الله حمامه نايحه
مالقيتي غير شباكي بديل
ليه غنيتي لحونً جارحه
وعذابي كل ماوحيت الهديل
صوتها وشوف البروق اللايحه
هن سبايب سروة الليل الطويل
ساهرن من ليل قبل البارحه
كن عيني صابها عل أم ذيل
اتطرا في ليال (ن) رايحه
صدق مابعد الرحيل الا النزيل
المعارك والخساير فاذحه
والنصر ماهو مبين له دليل
ماثنت عزمي حظوظن طايحه
والله اني لااحمل الحمل الثقيل
والزمن لو شححن منايحه
ازرع البستان عنّاب ونخيل
ورد بالبستان زين الرايحه
ريحة اليشموم غير الزنجبيل
لكن الريحان ريحه فايحه
أستلذ ابشمها عابر سبيل
يالله انك لاتجيب القارحه
لين يصحي بالزمن عقل الهبيل
الشاعر/ عبدالعزيز شلاش العنزي
درع عنزة
........
قامت تزاحم بالصدر جملة علوم
وأبهرج وابقى لسري كتومي
أخشى من الشمات ومدور اللوم
أشوم من خوفي لنفسي للومي
أصوم وأفطر سم وأكمل الصوم
ليل ونهار مواصل(ن) فيه صومي
الليل مظلم والسماء كله نجوم
بس القمر ما بان بين النجومي
والصبح يبدي والسماء جوها غيوم
وشمسي كسوف وحاجبتها الغيومي
أعجز عن الكلمة وانا رجل مكلوم
شفاي حاكم واللسان محكومي
ياما أثقل الكلمة على صدر زيزوم
ناخت بها ركابي وطاحت عزومي
أشفق على الوقفة على راس ملموم
لوماح ملموم(ن) براسه رجومي
أرقب وانا صدري تزاحم به هموم
في عالي الملموم يقضي لزومي
أقوم أنا وَاطيح وَاطيح وأقوم
وضحك ولو طير المنايا يحومي
ياقوم يا بعض السواليف ياقوم
يشفاء المريض وللحجامه وسومي

الشاعر عبد العزيز شلاش العنزي

(درع عنزه)
......